Tollywood: ఈ ఫోటోలో ఉన్న బూరె బుగ్గల బుజ్జాయి ఎవరో గుర్తుపట్టండి.. హీరోయిన్‏గానే నిర్మాతగానూ రాణిస్తోంది..

చేసింది తక్కువ సినిమాలే అయినా.. పరిశ్రమలో ప్రత్యేక స్థానం సంపాదించుకుంది. ఎవరో గుర్తుపట్టండి. మీకోసం మరో క్లూ. ఈ చిన్నారి సెలబ్రిటీ ఫ్యామిలీకి చెందిన అమ్మాయి.

Actress

Rajitha Chanti |
Updated on: Nov 17, 2022 | 1:18 PM

పైన ఫొటోలో బూరె బుగ్గలతో క్యూట్‏గా కనిపిస్తున్న ఆ చిన్నారి ఇప్పుడు టాలీవుడ్ ఇండస్ట్రీలో హీరోయిన్. కథానాయికగానే కాదు.. బుల్లి తెరపై యాంకర్‏గానూ సందడి చేసింది. గ్లామర్ షోలకు దూరంగా ఉంటూ.. ప్రాధాన్యత ఉన్న పాత్రలను ఎంచుకుంటూ.. తన నటనతో తెలుగు ప్రేక్షకుల మనసులను దొచుకుంది. చేసింది తక్కువ సినిమాలే అయినా.. పరిశ్రమలో ప్రత్యేక స్థానం సంపాదించుకుంది. ఎవరో గుర్తుపట్టండి. మీకోసం మరో క్లూ. ఈ చిన్నారి సెలబ్రిటీ ఫ్యామిలీకి చెందిన అమ్మాయి. తన కుటుంబంలో అందరూ స్టార్ హీరోస్. వారి కోసం తెలుగు రాష్ట్రాల్లో లక్షలాది మంది అభిమానులు ఉన్నారు. గుర్తుపట్టారా ?..

ఆ చిన్నారి మరెవరో కాదు.. మెగా బ్రదర్ నాగబాబు తనయ నిహారిక. బుల్లితెరపై యాంకర్‏ గా కెరీర్ స్టార్ట్ చేసిన నిహా.. ఆ తర్వాత కథానాయికగా వెండితెరపై సందడి చేసింది. ఒక మనసు సినిమాతో హీరోయిన్‏గా మారిన నిహారిక.. ఆ తర్వాత తమిళంలో ఒరు నల్ల నాల్ పాతు సోల్రెన్ .. హప్పీ వెడ్డింగ్, సూర్యకాంతం, సైరా నరసింహరెడ్డి చిత్రాల్లో నటించి మెప్పించింది.

ఇవి కూడా చదవండి

ఇక పెళ్లి తర్వాత సినిమాలకు దూరంగా ఉంటున్న నిహా.. ఇటీవలే నిర్మాతగానూ మారింది. ఆమె నిర్మించిన వెబ్ సిరీస్ హాలో వరల్డ్‏కు మంచి రెస్పాన్స్ వచ్చింది. అలాగే ఒక చిన్న ఫ్యామిలీ స్టోరీ వెబ్ సిరీస్ సైతం నిర్మించింది. ప్రస్తుతం నిర్మాణ రంగంలో బిజీగా ఉంది నిహారిక.