Seetimaarr Movie : శరవేగంగా గోపీచంద్ ‘సీటీమార్’ షూటింగ్.. రాజస్థాన్‌ ఏడారిలో చిత్రయూనిట్..

Seetimaarr Movie : లాక్‌డౌన్ కారణంగా మొన్నటి వరకు ఆగిపోయిన గోపీచంద్‌ సినిమా ‘సీటీ మార్’‌ ఇప్పుడు శరవేగంగా షూటింగ్ పూర్తి చేసకుంటోంది. ‘గౌతమ్ నంద’ సినిమా తరువాత చాలా కాలం గ్యాప్‌ తీసుకున్న దర్శకుడు సంపత్‌ నంది .. ఇప్పుడు ‘సీటీమార్’‌ సినిమాను తెరకెక్కస్తున్నాడు. ఈ సినిమాలో గోపీచంద్‌కు జోడీగా మిల్కీ బ్యూటీ తమన్నా.. దిగంగన సూర్యవంశీలు హీరోయిన్‌లుగా నటిస్తున్నారు. భూమిక ముఖ్య పాత్ర పోషిస్తోంది. ఈ సినిమాలో గోపీచంద్‌, తమన్నాలు కబడ్డీ కోచ్‌లుగా కనిపిస్తూ అందరినీ ఆకట్టుకోనున్నారు. ఈ సినిమా షూటింగ్ ప్రస్తుతం తుది దశలో ఉంది.

రాజస్థాన్లోని జైసల్మేర్‌ ఏడారిలో ప్రస్తుతం షూటింగ్ జరుగుతోంది. ఈ షూట్‌ కి సంబంధించిన వీడియోను సంపత్‌ నందే స్వయంగా సోషల్ మీడియాలో పోస్ట్‌ చేశారు. ఈ వీడియోలో గోపీచంద్‌ బైక్‌పై స్పీడుగా వెళుతున్నాడు. ఈ వీడియోతో పాటు… ఈ సినిమాకు సంబంధించిన కీలక సన్నివేశాలు తెరకెక్కించామని రాసుకొచ్చాడు సంపత్ నంది. పవన్‌ కుమార్‌ సమర్పణలో సిల్వర్‌ స్ర్కీన్‌ పతాకంపై శ్రీనివాసా చిత్తూరి ఈ సినిమాను నిర్మిస్తున్నారు. మణిశర్మ సంగీతం అందిస్తున్నారు. ఇక ఈ సినిమా శరవేగంగా చిత్రీకరణ పూర్తి చేసుకుని ఏప్రిల్‌ 2న ప్రేక్షకుల ముందుకు రాబోతుంది.

మరిన్ని ఇక్కడ చదవండి : 

Uppena Movie : సెన్సార్ పూర్తి చేసుకున్న ‘ఉప్పెన’.. 2గంటల పాటు అలరించనున్న అందమైన ప్రేమకావ్యం..