Miss Shetty Mr Polishetty: అనుష్క సినిమా నుంచి ఫస్ట్ సాంగ్ వచ్చేసింది..
ఇటీవలే ఈ మూవీ టైటిల్ అనౌన్స్ చేశారు మేకర్స్. అలాగే ఫస్ట్ లుక్ పోస్టర్ కూడా రిలీజ్ చేశారు. ఇందులో వీరిద్దరి లుక్స్ ఆకట్టుకుంటున్నాయి. అనుష్క కెరీర్ లో 48వ చిత్రంగా రాబోతున్న ఈ సినిమాను వంశీ, ప్రమోద్ నిర్మిస్తున్నారు.
Updated on: Mar 22, 2023 | 3:20 PM
స్టార్ హీరోయిన్ అనుష్క చేస్తోన్న లేటెస్ట్ మూవీ మిస్ శెట్టి.. మిస్టర్ పోలిశెట్టి. యంగ్ హీరో నవీన్ పోలిశెట్టి ఈ సినిమాలో నటిస్తున్నాడు. డిఫరెంట్ కాన్సెప్ట్ తో ఈ సినిమా తెరకెక్కుతోంది. ఇటీవలే ఈ మూవీ టైటిల్ అనౌన్స్ చేశారు మేకర్స్. అలాగే ఫస్ట్ లుక్ పోస్టర్ కూడా రిలీజ్ చేశారు. ఇందులో వీరిద్దరి లుక్స్ ఆకట్టుకుంటున్నాయి. అనుష్క కెరీర్ లో 48వ చిత్రంగా రాబోతున్న ఈ సినిమాను వంశీ, ప్రమోద్ నిర్మిస్తున్నారు. ఈ చిత్రానికి యంగ్ డైరెక్టర్ మహేష్ బాబు దర్శకత్వం వహిస్తుండగా.. రథన్ సంగీతం అందిస్తున్నారు.
తాజాగా ఉగాది సందర్భంగా ఈ సినిమా నుంచి ఫస్ట్ సాంగ్ ను రిలీజ్ చేశారు. పెళ్లి తర్వాత అమ్మాయి లైఫ్ లో ఉన్న కష్టాలని చెబుతూ ఈ సాంగ్ సాగింది. అవుట్ అండ్ అవుట్ ఎంటెర్టైనర్ గా తెరకెక్కిన ఈ సినిమాని సమ్మర్ కానుకగా రిలీజ్ చేయడానికి రెడీ అవుతున్నారు. ప్రస్తుతం మూవీ పోస్ట్ ప్రొడక్షన్ దశలో ఉంది.
అనుష్క వెండితెరపై కనిపించి దాదాపు రెండున్నరేళ్లు దాటింది. ఆమె చివరగా కనిపించిన సినిమా నిశ్సబ్దం. 2020 అక్టోబర్ 2న నేరుగా ఓటీటీలో విడుదలైంది ఈ చిత్రం. మిస్టరీ జానర్ లో వచ్చిన ఈ మూవీలో అనుష్క మూగ, చెవిటి అమ్మాయిగా నటించారు. అయితే ఈ సినిమా తర్వాత చాలా కాలం గ్యాప్ తీసుకున్న అనుష్క ఇప్పుడు మిస్ శెట్టి మిస్టర్ పొలిశెట్టి చిత్రంలో నటిస్తున్నారు.
