Parugu Movie: అయ్యా బాబోయ్.. ‘పరుగు’ మూవీ హీరోయిన్ ఈ రేంజ్‏లో మారిపోయిందేంటీ.. ఇప్పుడు చూస్తే షాకే..

బొమ్మరిల్లు భాస్కర్ దర్శకత్వం వహించిన ఈ సినిమాను ప్రముఖ నిర్మాత దిల్ రాజు నిర్మించారు. అప్పట్లో ఈ మూవీ మంచి విజయాన్ని అందుకుంది. అల్లారుముద్దుగా పెంచిన కూతురు ప్రేమించి ఇంట్లో నుంచి వెళ్లిపోతే ఆ తండ్రి పడే వేదనను ఈ చిత్రంలో ఎంతో చక్కగా చూపించారు డైరెక్టర్ భాస్కర్. ఫ్యామిలీ ఎంటర్టైనర్ గా తెరకెక్కిన ఈ సినిమాలో తండ్రి కూతుర్ల మధ్య ఉండే ఎమోషన్ కు ప్రతి ఒక్కరు కనెక్ట్ అయ్యారు.

Parugu..

Rajitha Chanti |
Updated on: Sep 19, 2024 | 10:40 AM

టాలీవుడ్ ఇండస్ట్రీలో అతి తక్కువ సమయంలోనే మంచి క్రేజ్ సొంతం చేసుకున్న హీరోయిన్లలో షీలా ఒకరు. కానీ ఇప్పుడు ఈ పేరు తెలుగు అడియన్స్‏కు అంతగా గుర్తుండదు. ఒకప్పుడు అందం, అభినయంతో ప్రేక్షకులను కట్టిపడేసింది. ఒకటి రెండు చిత్రాలతో మంచి ఫాలోయింగ్ సంపాదించుకుంది. కానీ ఆ తర్వాత ఊహించని విధంగా ఇండస్ట్రీకి దూరమైంది. ఏంటీ షీలా అంటే గుర్తుకురావడం లేదా.. ? తనే అల్లు అర్జున్ నటించిన పరుగు మూవీ హీరోయిన్. ఐకాన్ స్టార్ అల్లు అర్జున్ కెరీర్ లో వన్ ఆఫ్ ది హిట్ మూవీ పరుగు. బొమ్మరిల్లు భాస్కర్ దర్శకత్వం వహించిన ఈ సినిమాను ప్రముఖ నిర్మాత దిల్ రాజు నిర్మించారు. అప్పట్లో ఈ మూవీ మంచి విజయాన్ని అందుకుంది. అల్లారుముద్దుగా పెంచిన కూతురు ప్రేమించి ఇంట్లో నుంచి వెళ్లిపోతే ఆ తండ్రి పడే వేదనను ఈ చిత్రంలో ఎంతో చక్కగా చూపించారు డైరెక్టర్ భాస్కర్. ఫ్యామిలీ ఎంటర్టైనర్ గా తెరకెక్కిన ఈ సినిమాలో తండ్రి కూతుర్ల మధ్య ఉండే ఎమోషన్ కు ప్రతి ఒక్కరు కనెక్ట్ అయ్యారు.

ఈ చిత్రంలో అల్లు అర్జున్, షీలా హీరోహీరోయిన్లుగా నటించగా.. ప్రకాష్ రాజ్, జయసూధ, పూనమ్ బజ్వా కీలకపాత్రలు పోషించారు. 2008లో విడుదలైన ఈ సినిమాకు అల్లు అర్జున్ నంది అవార్డ్ అందుకున్నారు. ఈ చిత్రంలో అందం, అభినయంతో కట్టిపడేసింది షీలా. ఈ ముద్దుగుమ్మ.. నవదీప్ హీరోగా నటించిన సీతాకోకచిలుక సినిమా ద్వారా తెలుగు తెరకు పరిచయమయ్యింది. ఆ తర్వాత పరుగు, మస్కా, అదుర్స్ చిత్రంలో నటించింది. తెలుగుతోపాటు కన్నడ, మలయాళం, తమిళ చిత్రాల్లో నటించింది.

కెరీర్ మంచి ఫాంలో ఉన్నప్పుడే సినిమాలకు గుడ్ బై చెప్పేసింది. 2011లో బాలకృష్ణ నటించిన పరమవీరచక్ర సినిమాలో కనిపించిన షీలా.. ఆ తర్వాత మరో సినిమాలో కనిపించలేదు. 2020లో సంతోష్ రెడ్డిని వివాహం చేసుకున్న షీలా.. అప్పటినుంచి సినిమాలకు దూరంగా ఉంటుంది. వీరికి ఓ పాప జన్మించింది. ప్రస్తుతం సోషల్ మీడియాలో యాక్టివ్ గా ఉంటున్న షీలా.. ఎప్పటికప్పుడు ఫోటోస్ షేర్ చేస్తుంది. తాజాగా షీలా లేటేస్ట్ ఫోటోస్ చూసి ఆశ్చర్యపోతున్నారు నెటిజన్స్. అప్పటికీ ఇప్పటికీ షీలా చాలా మారిపోయిందని.. ఎంతో అందంగా కనిపిస్తుందంటూ కామెంట్స్ చేస్తున్నారు.