RC 15: చరణ్.. శంకర్ సినిమా పై ఇంట్రెస్టింగ్ బజ్.. ఫస్ట్ లుక్ రిలీజ్‏కు మాస్టర్ ప్లాన్..

ఆర్ఆర్ఆర్ సినిమా పాన్ ఇండియా ఫ్యాన్ ఫాలోయింగ్ సంపాదించుకున్నాడు మెగా పవర్ స్టార్ రామ్ చరణ్ (Ram Charan)… కేవలం దక్షిణాదిలోనే కాకుండా.. ఉత్తరాదిలోనూ చరణ్, తారక్ నటనకు ప్రేక్షకులు ఫిదా అయ్యారు. ఈ సినిమా తర్వాత చరణ్ నటించబోయే సినిమాపై భారీగానే అంచనాలు ఏర్పడ్డాయి.. ఈక్రమంలో చెర్రీ.. తన తదుపరి ప్రాజెక్టును పాన్ ఇండియా డైరెక్టర్ శంకర్ దర్శకత్వంలో చేస్తున్నట్లు ప్రకటించినప్పటి నుంచి ఈ మూవీ అంచనాలు అంతకంతకు పెరుగుతున్నాయి. చరణ్ కెరీర్‏లో 15వ చిత్రంగా రాబోతున్న ఈ సినిమా గురించి ఎప్పటికప్పుడు గాసిప్స్, అప్డేట్స్ నెట్టింట్లో చక్కర్లు కొడుతున్న సంగతి తెలిసిందే. అంతేకాకుండా.. గత కొద్ది రోజులుగా ఆర్సీ 15 సినిమాకు సంబంధించి చరణ్ స్టిల్స్, వీడియోస్ సోషల్ మీడియాలో లీక్ అవుతున్నాయి. ఈ విషయంలో మేకర్స్ ఎంతటి నిబంధనలు పెట్టినప్పటికీ లీక్స్ మాత్రం తగ్గడం లేదు.. తాజాగా ఈ మూవీ నుంచి మరో ఇంట్రెస్టింగ్ బజ్ ఫిల్మ్ సర్కిల్లో వినిపిస్తోంది.

డైరెక్టర్ శంకర్.. రామ్ చరణ్ కాంబోలో అత్యంత ప్రతిష్టాత్మకంగా తెరకెక్కుతున్న ఈ మూవీ ఫస్ట్ లుక్ కోసం ప్రేక్షకులు ఆత్రుతగా ఎదురుచూస్తున్న సంగతి తెలిసిందే. ఈ క్రమంలో ఈ సినిమా ఫస్ట్ లుక్ రిలీజ్ పై ఓ వార్త ఫిల్మ్ వర్గాల్లో చక్కర్లు కొడుతుంది. ఈ మూవీ ఫస్ట్ లుక్ రిలీజ్ కోసం శంకర్ మాస్టార్ ప్లాన్ సిద్ధం చేశారట. తన మార్క్‏లోనే పోస్టర్ రిలీజ్ చేసేందుకు క్రేజీ ఈవెంట్ ప్లాన్ చేస్తున్నారట. ఆగస్ట్ నెలలో ఈ ఈవెంట్ కన్ఫార్మ్ కానుందని.. స్వాతంత్ర దినోత్సవం సందర్భంగా ఈ వేడుకను నిర్వహించినున్నారట. కేవలం ఫస్ట్ లుక్ కోసం ప్రత్యేకంగా ఈవెంట్ ప్లాన్ చేస్తున్నారట శంకర్.. ఈ సినిమాలో చరణ్ సరసన బాలీవుడ్ బ్యూటీ కియారా అద్వానీ నటిస్తుండగా.. ప్రొడ్యూసర్ దిల్ రాజు బ్యానర్ పై నిర్మిస్తున్నారు.