Sandeep Raj: నిశ్చితార్థం చేసుకున్న కలర్ ఫొటో డైరెక్టర్.. ఆ నటితో త్వరలో తిరుపతిలో పెళ్లి.. ఫొటోస్ వైరల్

కలర్ ఫొటో సినిమాతో జాతీయ అవార్డు సొంతం చేసుకున్నాడు డైరెక్టర్ సందీప్ రాజ్. ప్రస్తుతం సినిమాలతో బిజీగా ఉంటోన్న ఈ ట్యాలెంటెడ్ డైరెక్టర్ త్వరలోనే తన జీవితంలో ఒక కొత్త ఆధ్యాయానికి శ్రీకారం చుట్టబోతున్నాడు. మనసిచ్చిన అమ్మాయితో కలిసి మూడుముళ్ల బంధంలోకి అడుగు పెట్టనున్నాడు.

Sandeep Raaj

Basha Shek |
Updated on: Nov 11, 2024 | 9:33 PM

షార్ట్ ఫిల్మ్స్ తో మంచి గుర్తింపు తెచ్చుకున్న వారిలో సందీప్ రాజ్ కూడా ఒకరు. ముఖ్యంగా చాయ్ బిస్కెట్‌ షార్ట్ ఫిల్మ్స్ తో పాపులారిటీ సొంతం చేసుకున్నాడు సందీప్. ఆ తర్వాత కలర్ ఫొటో సినిమాతో దర్శకుడిగా మారాడు. ఓటీటీలో రిలీజైనా మొదటి సినిమాతోనే మంచి విజయం సాధించాడు. అంతేకాదు ఏకంగా నేషనల్ అవార్డు కూడా అందుకున్నాడు. ఆ తర్వాత పలు సినిమాలు, సిరీస్ లకు రచయితగా పనిచేస్తూనే డైరెక్టర్ గా తన నెక్స్ట్ సినిమాని పట్టాలెక్కించే పనిలో ఉన్నాడు సందీప్. సినిమాల సంగతి పక్కన పెడితే.. త్వరలోనే ఈ ట్యాలెంటెడ్ డైరెక్టర్ పెళ్లిపీటలెక్కనున్నాడు. తను తెరకెక్కించిన కలర్ ఫొటో సినిమాలోనే ఒక కీలక పాత్రలో మెరిసిన చాందిని రావు తో కలిసి ఏడడుగులు నడవనున్నాడు. తాజాగా సందీప్ రాజ్, చాందినీ రావుల నిశ్చితార్థం జరిగింది. ఎప్పుడు, ఎక్కడ జరిగిందో కానీ తమ ఎంగేజ్ మెంట్ ఫొటోలను సోషల్ మీడియాలో షేర్ చేసుకున్నారీ లవ్ బర్డ్స్. దీంతో వీరి ఫొటోలు ప్రస్తుతం సామాజిక మాధ్యమాల్లో వైరల్ గా మారాయి. పలువురు సినీ ప్రముఖులు, అభిమానులు, నెటిజన్లు కాబోయే దంపతులకు అభినందనలు, శుభాకాంక్షలు తెలిపారు.

సినీ ప్రముఖల విషెస్..

ఆదివారమే పెళ్లి చేసుకున్న సెలబ్రిటీ కాస్ట్యూమ్ డిజైనర్ శ్రావ్య వర్మ సందీప్ రాజ్- చాందినీలకు ‘కంగ్రాచ్యులేషన్స్’ అని విషెస్ చెప్పింది. అలాగే హీరో ఆది సాయి కుమార్, చైతన్య రావు తదితరులు వీరికి అభినందనలు, శుభాకాంక్షలు తెలుపుతున్నారు.

ఇవి కూడా చదవండి

సందీప్, చాందినీ ల ఎంగేజ్ మెంట్ ఫొటోస్..

View this post on Instagram

A post shared by Sandeep Raj (@sandeepraaaj)

చాందినీ రావు విషయానికి వస్తే.. కలర్ ఫొటోతో పాటు సందీప్ రాజ్ కథ అందించిన ‘హెడ్స్ అండ్ టేల్స్’ వెబ్ సిరీస్‌లో ఓ కీలక పాత్ర చేసింది. ‘రణస్థలి’తో పాటు మరికొన్ని సినిమాల్లోనూ కనిపించిందీ అందాల తార. అయితే కలర్ ఫొటో షూటింగ్ సమయంలోనే వీరి మధ్య ప్రేమ చిగురించినట్లు సమాచారం. డిసెంబర్ 7న ఏడు కొండల వెంకటేశ్వర స్వామి పాదాల చెంత తిరుపతిలో వీరు పెళ్లి చేసుకోనున్నారని సమాచారం.

తిరుపతిలో వివాహం..

Writer-director #SandeepRaj, who gained recognition with #ColourPhoto, is engaged to actor #ChandiniRao on November 11 in Visakhapatnam. The wedding will take place on December 7 in Tirupati. It’s a love marriage. pic.twitter.com/YncOlsZm5c

— Matters Of Movies (@MattersOfMovies) October 30, 2024