Tollywood: తెలుగు ప్రేక్షకుల అభిమాన హీరోయిన్.. ఆ టాలీవుడ్ స్టార్ హీరో భార్య.. ఎవరో గుర్తుపట్టగలరా..?

తెలుగు ప్రేక్షకుల అభిమాన హీరోయిన్ ఆ అమ్మాయి. మొదటి సినిమాతోనే భారీ విజయాన్ని ఖాతాలో వేసుకుని.. అప్పట్లో తనదైన నటనతో.. అభినయంతో మంచి మార్కులు కొట్టేసింది. తెలుగు, మలయాళంలో పలు చిత్రాల్లో నటించి అడియన్స్ ఫేవరేట్ హీరోయిన్ గా మారింది. కథానాయికగా కెరీర్ మంచి ఫాంలో ఉన్న సమయంలోనే తెలుగు టాప్ హీరోను ప్రేమ వివాహం చేసుకుంది. పెళ్లి తర్వాత సినిమాలకు పూర్తిగా దూరమయ్యింది. ఇంతకీ గుర్తుపట్టారా ? ఆ అమ్మాయి ఎవరో. పైన ఫోటోలో కనిపిస్తున్న ఆ అందమైన అమ్మాయి మరెవరో కాదు.. సీనియర్ హీరోయిన్ అమల అక్కినేని. ప్రస్తుతం ఆమెకు సంబంధించిన త్రోబ్యాక్ ఫోటో నెట్టింట వైరలవుతుంది.

టాలీవుడ్ స్టార్ హీరో అక్కినేని నాగార్జున సతీమణి. కిరాయి దాదా సినిమాతో తెలుగు తెరకు పరిచయమైంది అమల. ఇందులో నాగార్జున హీరోగా నటించారు. ఆ తర్వాత వెంకీతో రక్తతిలకం, అగ్గిరాముడు, చిరంజీవితో రాజా విక్రమార్క, రాజశేఖర్ తో ఆగ్రహం సినిమాల్లో నటించింది. అలాగే నాగార్జున సరసన చినబాబు, శివ, నిర్ణయం, ప్రేమ యుద్ధం వంటి చిత్రాల్లో నటించి మెప్పించింది. ఇక సినిమా షూటింగ్ సమయంలోనే వీరిద్దరి పరిచయం ప్రేమగా మారింది. దీంతో వీరు పెద్దల సమక్షంలో పెళ్లి బంధంతో ఒక్కటయ్యారు. నాగార్జున 1992లో అమలను వివాహం చేసుకున్నారు. వీరికి అఖిల్ అక్కినేని జన్మించాడు. అఖిల్ తెలుగులో ‘అఖిల్: ది పవర్ ఆఫ్ జో’ సినిమాతో అరంగేట్రం చేశాడు.పెళ్లి తర్వాత సినిమాలకు దూరంగా ఉన్న అమల.. బ్లూ్ క్రాస్ అనే పేరుతో జంతువుల పరిరక్షణ కేంద్రాన్ని స్థాపించింది.

అమల తండ్రి ముఖర్జీ నేవీ ఆఫీసర్. కలకత్తాకు చెందిన వ్యక్తి. తల్లి ఐర్లాండ్ దేశానికి చెందిన మహిళా. అమల తల్లిదండ్రులది ప్రేమ వివాహం. చాలా కాలం తర్వాత సినిమాల్లోకి రీఎంట్రీ ఇచ్చారు అమల. లైఫ్ ఈజ్ బ్యూటీఫుల్, ఒకే ఒక జీవితం సినిమాల్లో తల్లి పాత్రలలో కనిపించారు అమల.

View this post on Instagram

A post shared by Amala Akkineni (@akkineniamala)

మరిన్ని సినిమా వార్తల కోసం ఇక్కడ క్లిక్ చేయండి.