Bhumika Chawla: పవర్ స్టార్ పవన్ కళ్యాణ్ ఖుషి మూవీ రీరిలీజ్ గురించి భూమిక ఏమన్నారంటే..
ఈ సినిమాతో పవన్‌కు ఒక్కసారిగా ఫ్యాన్ ఫాలోయింగ్ పెరిగిపోయింది. ఈ సినిమాలో పవన్ నటన, యాటిట్యూడ్ కు ప్రేక్షకులంతా ఫిదా అయ్యారు. ఇక హీరోయిన్ గా భూమిక అందంతో నటనతో ఆకట్టుకుంది.
పవర్ స్టార్ పవన్ కళ్యాణ్ నటించిన బ్లాక్ బస్టర్ మూవీస్‌లో ఖుషి సినిమా ఒకటి. ఎస్.జే సూర్య దర్శకత్వం వహించిన ఈ సినిమా భారీ విజయాన్ని అందుకుంది. ఈ సినిమాతో పవన్‌కు ఒక్కసారిగా ఫ్యాన్ ఫాలోయింగ్ పెరిగిపోయింది. ఈ సినిమాలో పవన్ నటన, యాటిట్యూడ్ కు ప్రేక్షకులంతా ఫిదా అయ్యారు. ఇక హీరోయిన్ గా భూమిక అందంతో నటనతో ఆకట్టుకుంది. ఇక ఈ సినిమా ఇప్పుడు రీ రిలీజ్ కు రెడీ అవుతోంది. న్యూ ఇయర్ పురస్కరించుకొని ఖుషి సినిమాను డిసెంబర్ 31న రిలీజ్ చేయనున్నారు. ఇప్పటికే లేటెస్ట్ ట్రైలర్ తో ప్రేక్షకులను ఆకట్టుకున్నారు. ఇక ఈ సినిమాను మరోసారి థియేటర్స్ లో చూసి ఎంజాయ్ చేయడానికి ఫ్యాన్స్ అంతా రెడీ అవుతున్నారు. కాగా ఈ సినిమా రీరిలీజ్ పై హీరోయిన్ భూమిక స్పందించింది.
ప్రస్తుతం భూమిక విదేశాల్లో ఉన్నారు. అక్కడి నుంచి ఆమె ఓ వీడియోలో ఈ సినిమా గురించి మాట్లాడారు. ఖుషి సినిమా రీరిలీజ్ అవుతుండటం చాలా ఆనందంగా ఉందని అన్నారు. ఈ సందర్భంగా తనకు ఖుషి సినిమాలాంటి బ్లాక్ బస్టర్ ఇచ్చిన నిర్మాత ఏఎం రత్నం, దర్శకుడు ఎస్జే సూర్య, హీరో పవన్ కళ్యాణ్ కు ఆమె కృతజ్ఞతలు తెలిపారు. అలాగే ఈ న్యూ ఇయర్ ను సంతోషంగా గడపండి అంటూ వీడియోలో చెప్పుకొచ్చారు.
ప్రస్తుతం భూమిక సెకండ్ ఇన్నింగ్స్ చేస్తున్నారు. ఈ క్రమంలో అక్క, వదిన పాత్రలు చేస్తూ అలరిస్తోంది భూమిక. భూమిక గతంలో ఒక్కడు సినిమా రీరిలీజ్ సమయంలోనూ థియేటర్ కు వెళ్లి మరీ సినిమాను వీక్షించి ఎంజాయ్ చేశారు.
View this post on Instagram
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
