Radhe Shyam: కృష్ణాష్టమి రోజున సర్‌ప్రైజ్‌ గిఫ్ట్ ఇచ్చిన రాధేశ్యామ్‌ యూనిట్.. అపురూప ప్రేమ కథకు సాక్ష్యం ఈ ఫొటో.
Radhe Shyam: ప్రభాస్ హీరోగా పూజాహెగ్డే హీరోయిన్‌గా తెరకెక్కుతోన్న చిత్రం 'రాధేశ్యామ్‌'. అద్భుత ప్రేమ కావ్యంగా తెరకెక్కుతోన్న ఈ సినిమాపై యావత్‌ ఇండియా వ్యాప్తంగా భారీగా అంచనాలున్నాయి...
Updated on: Aug 30, 2021 | 10:41 AM
Radhe Shyam: ప్రభాస్ హీరోగా పూజాహెగ్డే హీరోయిన్‌గా తెరకెక్కుతోన్న చిత్రం ‘రాధేశ్యామ్‌’. అద్భుత ప్రేమ కావ్యంగా తెరకెక్కుతోన్న ఈ సినిమాపై యావత్‌ ఇండియా వ్యాప్తంగా భారీగా అంచనాలున్నాయి. వింటేజ్‌ ప్రేమ కథగా రూపొందుతుండడంతో ఈ సినిమాపై క్యూరియాసిటీ అంతకంతకు పెరిగిపోయింది. ఈ సినిమాకు సంబంధించి ఇప్పటికే విడుదలైన ఫస్ట్‌లుక్‌, టీజర్‌కు మంచి ఆదరణ లభించింది. నిజానికి ఈ సినిమా ఇప్పటికే విడుదల కావాల్సి ఉండగా కరోనా కరాణంగా వాయిదా పడుతూ వచ్చింది. అయితే తాజాగా పరిస్థితులు చక్కబడడంతో ఈ సినిమాను 2022 సంక్రాంతి కానుకగా జనవరి 14న విడుదల చేయనున్నారు. ప్రపంచవ్యాప్తంగా భారీ ఎత్తున ఈ సినిమాను విడుదల చేయడానికి చిత్ర యూనిట్ సన్నాహాలు చేస్తోంది.
ఇదిలా ఉంటే ఈ సినిమా అప్‌డేట్‌ కోసం ప్రభాస్ వేయి కళ్లతో ఎదురు చూస్తున్న ప్రభాస్ ఫ్యాన్స్‌కు తాజాగా చిత్ర యూనిట్ ఓ సర్‌ప్రైజ్‌ ఇచ్చింది. నేడు (సోమవారం) కృష్ణాష్టమిని పురస్కరించుకొని చిత్ర యూనిట్ ‘రాధేశ్యామ్‌’ సినిమాకు సంబంధించి మరో పోస్టర్‌ను విడుదల చేసింది. ఈ ఫొటోలో ప్రభాస్ పూజాకు పియానో నేర్పిస్తున్నట్లు ఉంది. ప్రేక్షకులకు కృష్ణాష్టమి శుభాకాంక్షలు తెలిపిన చిత్ర యూనిట్.. ‘జన్మాష్టమి వేడుకలు జరుగుతోన్న నేపథ్యంలో.. విక్రమాదిత్య, ప్రేరణ నిజమైన ప్రేమకు అసలైన అర్థాన్ని చెబుతున్నారు’ అంటూ క్యాప్షన్‌ జోడించారు. ఈ సినిమాలో ప్రభాస్ విక్రమాదిత్య పాత్రలో కనిపిస్తుండగా.. పూజాహెగ్డే ప్రేరణగా కనిపించనుంది. రాధేశ్యామ్‌ కొత్త పోస్టర్‌కు అభిమానులు ఫిదా అవుతున్నారు.
View this post on Instagram
Prabhas: డార్లింగ్‌ లిస్ట్‌లోకి మరో సినిమా… ఆ కుర్రడైరెక్టర్ కు ప్రభాస్ మరో ఛాన్స్ ఇచ్చాడా.?
