101 Jillala Andagadu Trailer: నవ్వులు పూయిస్తున్న 101 జిల్లాల అందగాడు ట్రైలర్.. అవసరాల కష్టాలు మాములుగా లేవుగా..
అష్టాచెమ్మా సినిమాతో సినీ పరిశ్రమలో తనకంటూ ప్రత్యేక స్థానాన్ని ఏర్పర్చుకున్నారు అవసరాల శ్రీనివాస్. ఈ మూవీ తర్వాత టాలీవుడ్లో వరుస ఆఫర్లను అందుకుంటూ
అష్టాచెమ్మా సినిమాతో సినీ పరిశ్రమలో తనకంటూ ప్రత్యేక స్థానాన్ని ఏర్పర్చుకున్నారు అవసరాల శ్రీనివాస్. ఈ మూవీ తర్వాత టాలీవుడ్లో వరుస ఆఫర్లను అందుకుంటూ నటుడిగా గుర్తింపు పొందాడు. అటు సినిమాల్లో నటిస్తూనే మరొవైపు దర్శకుడిగా, రచయితగా కొనసాగుతున్నారు. ప్రస్తుతం అవసరాల శ్రీనివాస్ ప్రధాన పాత్రలో తెరకెక్కుతున్న సినిమా నూటొక్క జిల్లాల అందగాడు. ఈ చిత్రానికి రాచకొండ విద్యాసాగర్ రావు దర్శకత్వం వహిస్తుండగా.. చి.ల.సౌ ఫేమ్ రుహాని శర్మ హీరోయిన్గా నటిస్తోంది. దిల్ రాజు, క్రిష్ జాగర్లమూడి సమర్పణలో శ్రీవెంకటేశ్వర క్రియేషన్స్, ఫస్ట్ ఫ్రేమ్ ఎంటర్టైన్మెంట్స్ బ్యానర్లపై శిరీష్, వై. రాజీవ్ రెడ్డి, జె. సాయిబాబు సంయుక్తంగా నిర్మిస్తున్నారు. అయితే ప్రారంభం నుంచే ఈ సినిమాపై ఆసక్తిని క్రియేట్ చేస్తూ వస్తున్నారు మేకర్స్. గతంలో అవసరాల స్రీనివాస్కు బట్టతల ఉందంటూ ఓ చిన్న వీడియో క్లిప్ రివీల్ చేసి ప్రేక్షకులలో క్యూరియాసిటీని పెంచేశారు. దీంతో ఇప్పటికే ఈ సినిమా నుంచి విడుదలైన పోస్టర్స్లోనూ అవసరాల శ్రీనివాస్ను బట్టతలతో చూపిస్తూ మరింత ఆసక్తిని పెంచుతూ వచ్చారు. తాజాగా ఈ మూవీ ట్రైలర్ను వరుణ్ తేజ్ చేతుల సోషల్ మీడియా ద్వారా విడుదల చేశారు.
తాజాగా విడుదలైన ట్రైలర్లో గుత్తి సూర్య నారాయణ అనే బట్టతల ఉన్న యువకుడిగా కనిపించాడు అవసరాల శ్రీనివాస్. తన బట్టతలను కవర్ చేస్తూ.. విగ్ ధరిస్తూ.. శ్రీనివాస్ పడే పాట్లను ఇందులో చూపించారు. అలాగే తను ప్రేమిస్తున్న అమ్మాయి దగ్గర కూడా తన బట్టతలను దాచుకోవడానికి అవసరాల శ్రీనివాస్ పడే పాట్లు నవ్వులు తెప్పిస్తాయి. విగ్ సాయంతో తన బట్టతలను దాచుకున్నప్పటికీ… తను ప్రేమిస్తున్న అమ్మాయి దగ్గర ఎలాంటి ఇబ్బందులు పడ్డాడు.. చివరికి ఏం జరిగిందనేదే నూటొక్క జిల్లాల అందగాడు సినిమా. ఇక తాజాగా విడుదలైన ట్రైలర్ చూస్తుంటే మరోసారి ప్రేక్షకులను కడుపుబ్బ నవ్వించేందుకు సిద్ధమైనట్లుగా తెలుస్తోంది. ఆద్యంతం నవ్వులు పూయించే ఈ సినిమా ఇప్పటికే షూటింగ్ పూర్తిచేసుకుంది. ఈ మూవీని సెప్టెంబర్ 3న ప్రేక్షకుల ముందుకు తీసుకురానుంది. ఈ సినిమాకు శక్తికాంత్ కార్తీక్ సంగీతం అందించారు. ఆద్యంతం నవ్వులు పంచే ఈ మూవీ ట్రైలర్ను మీరు చూసేయ్యండి.
ట్రైలర్.
Salman khan: సల్మాన్‌ ఖాన్‌ని అడ్డుకోవడంలో తప్పులేదు..! అతడు తన బాధ్యతను మాత్రమే నిర్వహించాడు..
