Anushka Shetty: టాలీవుడ్ లో టాప్ హీరోయిన్ గా కంటిన్యూ అవుతున్న అనుష్క.. స్వీటీ సినీ జర్నీకి 16ఏళ్ళు..

Anushka Shetty: ప్రస్తుతం టాలీవుడ్ లో టాప్ హీరోయిన్ గా కంటిన్యూ అవుతోన్న బ్యూటీ అనుష్క. ఈ అమ్మడు ఇండస్ట్రీ కి వచ్చి సరిగ్గా 16 ఏళ్ళు అవుతుంది. కింగ్ నాగార్జున హీరోగా పూరిజగన్నాథ్ తెరకెక్కించిన సూపర్ సినిమాతో అనుష్క హీరోయిన్ గా ఎంట్రీ ఇచ్చింది. ఈ సినిమా విడుదలై నేటికి 16ఏళ్ళు. ఈ సినిమాలో సూపర్ స్టైలిష్ గా కనిపించి ఆకట్టుకున్నారు నాగ్. ఈ సినిమాలో సోనూసూద్ సిస్టర్ గా నటించింది అనుష్క. 16ఏళ్ల ఈ సినీ జర్నీలో ఎన్నో విజయాలను అందుకుంది అనుష్క. సూపర్ సినిమా తర్వాత అనుష్కకు సాలిడ్ హిట్ ఇచ్చారు దర్శకధీరుడు రాజమౌళి. రవితేజ హీరోగా జక్కన్న తెరకెక్కించిన విక్రమార్కుడు సినిమాలో హీరోయిన్ గా నటించింది అనుష్క. ఈ సినిమా సూపర్ హిట్ అవ్వడంతో అనుష్కకు ఆఫర్లు క్యూకట్టాయి. బ్యాక్ టూ బ్యాక్ సినిమాలతో టాలీవుడ్ లో టాప్ గేర్ లో దూసుకుపోయింది. ఆ తర్వాత వరుసగా స్టార్ హీరోల సరసన ఛాన్స్ లు దక్కించుకుంది. తెలుగు తమిళ్ భాషల్లో వరుసగా సినిమాలు చేసింది ఈ బ్యూటీ.

కమర్షియల్ సినిమాలతో పాటులేడీ ఓరియెంటెడ్ మూవీస్ లలో కూడా నటించి మెప్పించింది అనుష్క. అలాగే సైజ్ జీరో లాంటి ప్రయోగాత్మక సినిమాలు కూడా చేసింది. ఇక అనుష్క నటించిన అరుంధతి సినిమా ఎంతటి ఘనవిజయం సాధించిందో ప్రత్యేకంగా చెప్పాల్సిన అవసరం లేదు. ఆ తర్వాత గుణశేఖర్ డైరెక్షన్ లో రుద్రమదేవి సినిమాలో నటించింది. ఈ సినిమా కూడా మంచి విజయాన్ని అందుకుంది.

బాహుబలి సినిమా తర్వాత అనుష్క కథల ఎంపిక విషయంలో ఆచితూచి అడుగులేస్తోంది. బాహుబలి సినిమా తరువాత భాగమతి అనే సినిమా చేసింది. ఈ సినిమా తర్వాత కొంత గ్యాప్ తీసుకున్న స్వీటీ.. రీసెంట్ గా నిశ్శబ్దం అనే సినిమాతో ప్రేక్షకుల ముందుకు వచ్చింది. ఈ సినిమాలో మ్యూట్ ఆర్టిస్ట్ గా నటించి మెప్పించింది. ఈ సినిమా ప్రేక్షకులను ఆకట్టుకోలేకపోయినప్పటికీ అనుష్క నటనకు మంచి మార్కులు పడ్డాయి. అలాగే మెగాస్టార్ నటించిన సైరా సినిమాలో జాన్సీ లక్ష్మీ భాయ్ గా చిన్న పాత్రలో కనిపించింది.

మరిన్ని ఇక్కడ చదవండి : 

Ritika Singh: కాలుజారి నీళ్లలో పడిపోయిన హీరోయిన్.. ఫన్నీ వీడియో షేర్ చేసిన రితిక సింగ్..

Rashmika Mandanna: సౌత్ స్టార్స్‌‌‌‌‌ను వెనక్కినెట్టేసిన లక్కీ బ్యూటీ.. సోషల్ మీడియాలో రష్మిక దూకుడు

Mangli Bonalu Song: బోనాల సాంగ్ వివాదంపై తొలిసారి స్పందించిన సింగర్ మంగ్లీ.. ఆమె మాటల్లోనే..