Rashi Khanna: షూటింగ్‌ విరామంలో రాశీ ఖన్నా ఏం చేస్తుందో చూశారా.? దాని గురించే ఆలోచన..

Rashi Khanna: హిందీలో 'మద్రాస్‌ కేఫ్‌' అనే సినిమాతో వెండి తెరకు పరిచయమైంది అందాల తార రాశీ ఖన్నా. తొలి సినిమాతో నటిగా మంచి మార్కులు కొట్టేసిన ఈ బ్యూటీ అనంతరం రెండో సినిమా 'మనం'తో...

Rashi Khanna

Updated on: Aug 27, 2021 | 11:35 AM

Rashi Khanna: హిందీలో ‘మద్రాస్‌ కేఫ్‌’ అనే సినిమాతో వెండి తెరకు పరిచయమైంది అందాల తార రాశీ ఖన్నా. తొలి సినిమాతో నటిగా మంచి మార్కులు కొట్టేసిన ఈ బ్యూటీ అనంతరం రెండో సినిమా ‘మనం’తో తెలుగులో అడుగుపెట్టింది. ఈ సినిమాలో గెస్ట్‌ రోల్‌లో కనిపించినప్పటికీ తన అందంతో ఆకట్టుకుందీ చిన్నది. ఇక అనంతరం వరుస సినిమాలకు సైన్‌ చేస్తూ, విజయాలను అందుకుంటూ దూసుకుపోతోందీ అందాల తార. ‘ఊహలు గుసగుసలాడే’తో మొదలైన ఈ అమ్మడి ప్రస్థానం ప్రస్తుతం టాలీవుడ్‌తో పాటు టాలీవుడ్‌లోనూ కొనసాగుతోంది. కేవలం సినిమాలకే పరిమితం కాకుండా ఇటీవల హిందీలో తెరకెక్కుతోన్న ఓ వెబ్‌ సిరీస్‌లోనూ నటించే లక్కీ ఛాన్స్‌ కొట్టేసిందీ బ్యూటీ.

ప్రస్తుతం తమిళ, తెలుగు, మలయాళంలో వరుస సినిమాలు చేస్తూ జోష్‌ మీదున్న రాశీఖన్నా తాజాగా ఇన్‌స్టాగ్రామ్‌ వేదికగా ఓ ఆసక్తికరమైన పోస్ట్‌ చేసింది. మారుతి దర్శకత్వంలో గోపీచంద్‌ హీరోగా తెరకెక్కుతోన్న ‘పక్కా కమర్షియల్‌’ అనే సినిమాలో రాశీ ఖన్నా నటిస్తోన్న విషయం తెలిసిందే. ప్రస్తుతం ఈ సినిమా షూటింగ్‌ శరవేగంగా జరుపుకుంటోంది. ఈ క్రమంలోనే చిత్రీకరణలో పాల్గొన్న రాశీ ఖన్నా షూటింగ్‌ స్పాట్‌లోని ఫొటోను అభిమానులతో పంచుకుంది. కుర్చిపైనే కునుకు తీస్తోన్న సమయంలో తీసిన ఓ ఫొటోను పోస్ట్‌ చేస్తూ.. ‘షూటింగ్‌ గ్యాప్‌ల మధ్యలో ఇలా నిద్రపోతుంటాను. నిద్రలో వెకేషన్‌ గురించి కలలు కంటుంటాను’ అని ఆసక్తికరమైన క్యాప్షన్‌ను రాసుకొచ్చిందీ బ్యూటీ.