Sampath Raj : అలాంటి హీరోను ఎక్కడా చూడలేదు.. ఆయన యాక్టింగ్ చూసి ఫిదా అయిపోయా.. నటుడు సంపత్ రాజ్..

ప్రముఖ నటుడు సంపత్ రాజ్ తన సినీ కెరీర్, అనుభవాలు, భవిష్యత్ ప్రణాళికల గురించి ఇటీవల ఒక ఇంటర్వ్యూలో ఆసక్తికర కామెంట్స్ చేశారు. తన కెరీర్ తొలినాళ్లలో ఎదురైన కొన్ని సవాళ్లను ఆయన ఈ సందర్భంగా గుర్తు చేసుకున్నారు. విలన్ పాత్రలకు తనను ఎంపిక చేయడానికి కొందరు హీరోలు నిరాకరించారని, తమతో సంపత్ రాజ్‌ను పోల్చలేమని భావించి కొన్ని ప్రాజెక్టులు చేజార్చుకున్నాయని ఆయన వివరించారు. అయితే, అలాంటి హీరోలు ఎవరు అనేది మాత్రం తనకు తెలియదని స్పష్టం చేశారు. మిర్చి సినిమా తర్వాత శ్రీమంతుడు వంటి పెద్ద విజయం సాధించిన చిత్రంలో మహేష్ బాబుతో కలిసి నటించే అవకాశం వచ్చిందని సంపత్ రాజ్ గుర్తు చేసుకున్నారు. శ్రీమంతుడు చిత్ర దర్శకుడు కొరటాల శివ స్క్రిప్ట్ పూర్తయిన వెంటనే తనకు ఫోన్ చేసి, సినిమాలో కన్ఫామ్‌గా నటించాలని చెప్పారని ఆయన తెలిపారు. ఈ అవకాశం తనకు ఎంతో ఆత్మవిశ్వాసాన్ని ఇచ్చిందని పేర్కొన్నారు. మహేష్ బాబు నటన శైలిపై ప్రశంసలు కురిపిస్తూ, ఆయన ఒక సహజ నటుడు అని అన్నారు. మామూలుగా మనం మాట్లాడినట్లుగానే ఆయన షాట్‌లోనూ నటిస్తారని, ఎటువంటి అతిశయమైన భావాలు ఉండవని సంపత్ రాజ్ అన్నారు. తెరపై ఆయన ఆరా, లుక్స్, వ్యక్తిత్వం నటనకు తోడై అద్భుతమైన ప్రభావాన్ని చూపుతాయని పేర్కొన్నారు.

ఎక్కువ మంది చదివినవి : Tanikella Bharani: ఆ హీరో అద్భుతమైన వ్యక్తి.. వయసులో చిన్నోడైనా చేతులెత్తి నమస్కరిస్తున్నా..

రచయిత, దర్శకుడు త్రివిక్రమ్ శ్రీనివాస్ పట్ల తనకున్న అపారమైన గౌరవాన్ని సంపత్ రాజ్ వెల్లడించారు. త్రివిక్రమ్ ఆలోచనా విధానం, ఆయన కూల్‌గా ఉండే విధానం తనకు చాలా నచ్చుతాయని అన్నారు. ఆయన సినిమాల్లోని బ్యూటిఫుల్ మూమెంట్స్, గూస్‌బంప్స్ తెప్పించే సన్నివేశాలు ఒక గొప్ప రచయిత మాత్రమే చేయగలరని, అలాంటి రైటర్ మైండ్‌సెట్ లోపలికి వెళ్లి ఎలా ఆలోచిస్తాడో తెలుసుకోవాలని తనకు ఉంటుందని సంపత్ రాజ్ వివరించారు. త్రివిక్రమ్‌కు తనతో ఒక మంచి స్క్రిప్ట్, క్యారెక్టర్ రాయమని తాను అడుగుతూ ఉంటానని, దానికి ఆయన సంపత్‌కు సరిపోయే క్వాలిటీ క్యారెక్టర్ దొరికితే తప్పకుండా పిలుస్తానని హామీ ఇస్తుంటారని తెలిపారు.

ఎక్కువ మంది చదివినవి : Brahmanandam : చివరి రోజుల్లో ఎంఎస్ నారాయణ కోరిన ఆఖరి కోరిక అదే.. హాస్పిటల్ బెడ్ మీద అలా చూశాక.. బ్రహ్మానందం ఎమోషనల్..

సంపత్ రాజ్ తన సొంత కథలను కూడా త్రివిక్రమ్‌తో చర్చించేవారని వెల్లడించారు. ఒకసారి తన స్క్రిప్ట్‌లోని నాట్ను త్రివిక్రమ్ ఎంతో మెచ్చుకున్నారని, దానిని ఎలా పూర్తి చేస్తావు అని అడిగినప్పుడు, తాను వివరించిన క్లైమాక్స్‌కు త్రివిక్రమ్ చాలా ఆశ్చర్యపోయి, “సూపర్ సంపత్! నేను ఇది ఆలోచించలే. ఎలా ఆలోచించావు? ఫెంటాస్టిక్!” అని ప్రశంసించారని సంపత్ రాజ్ గుర్తు చేసుకున్నారు. త్రివిక్రమ్ తనకు ఒక రచయిత ఉన్నాడని, అతన్ని బయటకు తీసుకురావాలని, కథలు చెప్పాలని ప్రోత్సహించారని ఆయన అన్నారు. ప్రస్తుతం తన వద్ద మూడు కథలు సిద్ధంగా ఉన్నాయని, అందులో ఒకటి బలమైన మహిళా ప్రధానమైన కథ అని సంపత్ రాజ్ తెలిపారు. ఆ కథకు సరైన, బలమైన భావోద్వేగాలను పండించగల నటి కోసం వెతుకుతున్నానని, అది ఒక అమ్మకు, కూతురికి, తండ్రికి మధ్య జరిగే కథ అని వివరించారు. తాను రచన, క్రియేటివ్ సైడ్‌లో మాత్రమే ఉంటానని, దర్శకత్వం, నిర్మాణం మాత్రం బయటి వారు చేస్తారని స్పష్టం చేశారు.

ఎక్కువ మంది చదివినవి : Meenakshi Chaudhary : ఆ హీరో నా ఫస్ట్ క్రష్.. ఎప్పటికైన అతడితో ‏డేట్‏కు వెళ్తాను.. హీరోయిన్ మీనాక్షి చౌదరి..

మహేష్ బాబు ఫోటో..

Sampath Raj, Mahesh Babu

ఎక్కువ మంది చదివినవి : Peddi Movie : ఏం తీశాడు భయ్యా.. చరణ్ ఎంట్రీ మైండ్ బ్లోయింగ్.. ఆ ఒక్క సీన్ గూస్ బంప్స్..