Brahmanandam : చివరి రోజుల్లో ఎంఎస్ నారాయణ కోరిన ఆఖరి కోరిక అదే.. హాస్పిటల్ బెడ్ మీద అలా చూశాక.. బ్రహ్మానందం ఎమోషనల్..
తెలుగు చలనచిత్ర రంగంలో 'నవ్వు' అనే పదానికి నిలువెత్తు రూపం బ్రహ్మానందం. కేవలం తన ముఖ కవళికలతో, కంటిచూపుతో, నడకతో కోట్లాది మంది ప్రేక్షకులను పొట్టచెక్కలయ్యేలా నవ్వించగల అద్భుత నటుడు ఆయన. మూడు దశాబ్దాలకు పైగా తెలుగు సినిమా హాస్య సామ్రాజ్యాన్ని ఏకఛత్రాధిపత్యంగా ఏలిన ఘనత ఆయనది. ప్రపంచంలోనే ఒకే భాషలో అత్యధిక చిత్రాల్లో (1000కి పైగా సినిమాల్లో) నటించిన నటుడిగా ఆయన గిన్నిస్ బుక్ ఆఫ్ వరల్డ్ రికార్డ్స్ లో స్థానం సంపాదించారు.
Updated on: Jun 04, 2026 | 2:11 PM
తెలుగు సినిమా చరిత్రలో హాస్య నటులుగా తమదైన ముద్ర వేసుకున్న మహానటులు బ్రహ్మానందం , ఎమ్మెస్ నారాయణ. వెండితెరపై వీరిద్దరి కాంబినేషన్లో వచ్చిన ఎన్నో సీన్లు ప్రేక్షకులను పొట్టచెక్కలయ్యేలా నవ్వించాయి. అయితే, కేవలం తెరపైనే కాకుండా, నిజ జీవితంలో కూడా వీరి మధ్య ఎంతో లోతైన, భావోద్వేగపూరితమైన అనుబంధం ఉండేదనే విషయాన్ని ఇటీవల ఒక ఇంటర్వ్యూలో బ్రహ్మానందం పంచుకున్నారు. ఈ విషయాలు విన్న ప్రతి ఒక్కరి హృదయాన్ని కలచివేస్తాయి. ఎమ్మెస్ నారాయణ తన చివరి రోజుల్లో హాస్పిటల్ బెడ్పై, స్పృహ కోల్పోతున్న క్లిష్ట పరిస్థితిలో ఉన్నప్పుడు.. నోటితో మాట్లాడలేని స్థితికి చేరుకున్నారు. ఆ సమయంలో ఆయన పక్కనే ఉన్న తన కూతురిని సైగ చేసి ఒక తెల్ల కాగితం, పెన్ అడిగి తీసుకున్నారు.
ఎక్కువమంది చదివినవి : Maheswari: ఆ హీరో అంటే క్రష్.. పిచ్చిగా ప్రేమించా.. చెల్లి అని మనసు ముక్కలు చేశాడు.. హీరోయిన్ మహేశ్వరి..
మాట్లాడలేకపోయినా, ఎంతో కష్టపడి ఆ పేపర్పై “బ్రహ్మానందం అన్నను చూడాలని ఉంది” అని రాశారు. ప్రాణం పోయే ఆఖరి క్షణాల్లో రక్తసంబంధీకులు, స్నేహితులు ఎందరో ఉన్నప్పటికీ, ఎమ్మెస్ నారాయణ గారు బ్రహ్మానందం ని కలవాలని కోరుకోవడం వారి మధ్య ఉన్న ఆత్మీయతకు అద్దం పడుతుంది. ఈ విషయం ఫోన్ ద్వారా తెలియగానే, బ్రహ్మానందం శంషాబాద్లోని ఒక సినిమా షూటింగ్ను వెంటనే ఆపేసి, హాస్పిటల్కు పరుగున వచ్చారు. బ్రహ్మానందంని చూడగానే ఎమ్మెస్ నారాయణ కళ్లవెంట నీళ్లు కారాయి.
ఎక్కువమంది చదివినవి : ఏం సినిమా రా బాబూ.. ఒక్కో సీన్ ఊపిరి బిగపట్టి చూడాల్సిందే.. ఓటీటీలో రచ్చ చేస్తున్న మలయాళీ
ఆయన చేయిని గట్టిగా పట్టుకుని ఆత్మీయంగా చూశారు. ఆ పిక్చర్ తానెప్పటికీ మర్చిపోలేనని బ్రహ్మానందం భావోద్వేగానికి గురయ్యారు. ఎమ్మెస్ నారాయణ కేవలం ఒక నటుడే కాదు, అద్భుతమైన చమత్కారం, మేధస్సు ఉన్న వ్యక్తి అని కొనియాడారు. తోటి నటుడిపై ఆయన చూపించిన ఈ ప్రేమ, గౌరవమే తాను సంపాదించుకున్న అతిపెద్ద ఆస్తి అని బ్రహ్మానందం పేర్కొన్నారు. వీరిద్దరి బంధం కేవలం వృత్తిపరమైనది కాదు, హృదయాలకు సంబంధించిన ఒక స్వచ్ఛమైన మానవీయ కోణం.
ఎక్కువమంది చదివినవి : Raghavendra Rao : అది గొప్ప పాట.. జీవితాంతం గుర్తుంచుకోవాల్సిన సాంగ్.. రాఘవేంద్ర రావు మనసులో నిలిచిపోయిన పాట ఇదే..
ఎక్కువమంది చదివినవి : Reema Sen : ఇండస్ట్రీలో అతడే నాకు బెస్ట్ ఫ్రెండ్.. ప్రతి విషయంతో తనతోనే షేర్ చేసుకుంటాను.. రీమా సేన్..
