Allu Arjun: స్టైలీష్ లుక్‏లో బన్నీ నయా ఫోటోస్ అదుర్స్.. పూల చొక్కా.. టోపీతో.. త్రివిక్రమ్, అల్లు అర్జున్ కలిసి..

Allu Arjun

స్టైలీష్ స్టార్ అల్లు అర్జున్ (Allu Arjun) ప్రస్తుతం పుష్ప 2 (Pushpa 2) కోసం సిద్ధమవుతున్నారు. ఆగస్ట్ చివరి వారంలో ఈ మూవీ రెగ్యూలర్ షూటింగ్ ప్రారంభం కానున్న సంగతి తెలిసిందే. అయితే పుష్ప మూవీ సక్సెస్ తర్వాత బన్నీ సోషల్ మీడియాలో ఫుల్ యాక్టివ్‏ అయ్యారు. ఓ వైపు ఫ్యామిలీతో ఎంజాయ్ చేస్తూనే.. మరోవైపు స్టైలీష్ మేకోవర్‏లో ఉన్న పిక్స్ సోషల్ మీడియాలో షేర్ చేస్తున్నారు. ఇటీవలే బ్లాక్ అండ్ బ్లాక్‏లో స్టైలీష్ ఫోటోను షేర్ చేసి ఫ్యాన్స్‏ను థ్రిల్ చేసిన బన్నీ తాజాగా చార్మింగ్ లుక్‏లో కనిపించారు. ఆయనకు సంబంధించిన లేటేస్ట్ ఫోటోస్ సోషల్ మీడియాలో తెగ చక్కర్లు కొడుతున్నాయి.

పూల చొక్కా.. తలపై టోపీతో జాగర్స్ తో మరింత స్టైలీష్‏గా కనిపిస్తున్నాడు. అయితే ఇలా ఉన్నట్టుండి బన్నీ తన స్టైల్ మార్చడానికి ఒక కారణం ఉంది. ఓ యాడ్ షూట్ కోసం అర్జున్ ఇలా ఉబెర్ కూల్ దుస్తుల్లోకి మారిపోయినట్లుగా తెలుస్తోంది. డైరెక్టర్ త్రివిక్రమ్ శ్రీనివాస్ దర్శకత్వంలో బన్నీ ఓ ప్రకటన షూట్ చేస్తున్నట్లుగా తెలుస్తోంది. ఇందుకు సంబంధించిన షూటింగ్ ప్రస్తుతం రామోజీ ఫిల్మ్ సిటీలో జరుగుతుంది. అందుకు సంబంధించిన బన్నీ, త్రివిక్రమ్ ఫోటోస్ ఇప్పుడు నెట్టింట వైరల్ అవుతున్నాయి. మరోసారి అల్లు అర్జున్ స్టైలీష్ లుక్‏లో చార్మింగ్‏గా కనిపించడంతో ఫ్యాన్స్ ఖుషి అవుతున్నారు.

Bunny

లేటేస్ట్ అప్డేట్ ప్రకారం పుష్ప 2 సినిమాలో ఫహద్ ఫాజిల్‏తోపాటు తమిళ్ స్టార్ విజయ్ సేతుపతి సైతం కీలకపాత్రలో నటిస్తున్నట్లుగా తెలుస్తోంది. అలాగే పుష్ప 2 మాత్రమే కాకుండా పుష్ప 3 కూడా ఉండనున్నట్లు ఇటీవలే ఓ ఇంటర్వ్యూలో ఫహాద్ హింట్ ఇచ్చిన సంగతి తెలిసిందే. దీంతో పుష్ప 2 సినిమాపై మరిన్ని అంచనాలు నెలకొన్నాయి.

Bunny 1

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.