Nagarjuna: మలయాళీ సూపర్ హిట్ రీమేక్‌పై కన్నేసిన నాగ్‌.. మనం తర్వాత అఖిల్‌ మరోసారి.?

Nagarjuna: మలయాళీ సూపర్ హిట్ రీమేక్‌పై కన్నేసిన నాగ్‌.. మనం తర్వాత అఖిల్‌ మరోసారి.?
Nagarjuna

Nagarjuna: ఓవైపు రియాలిటీ షోలు (reality shows), మరోవైపు వరుస సినిమాలు ఇలా క్షణం తీరిక లేకుండా బిజీ బిజీగా గడుపుతున్నారు కింగ్ నాగార్జున. యంగ్‌ హీరోలకు..

Narender Vaitla

| Edited By: Ravi Kiran

Mar 02, 2022 | 7:45 AM

Nagarjuna: ఓవైపు రియాలిటీ షోలు (reality shows), మరోవైపు వరుస సినిమాలు ఇలా క్షణం తీరిక లేకుండా బిజీ బిజీగా గడుపుతున్నారు కింగ్ నాగార్జున. యంగ్‌ హీరోలకు సైతం పోటీనిస్తూ వరుస సినిమాలు చేస్తూ దూసుకుపోతున్నారు నాగ్‌. ఇటీవల బంగార్రాజుతో (Bangarraju)మంచి విజయాన్ని అందుకున్న నాగ్‌, తాజాగా బ్రహ్మాస్త్రను విడుదల చేయడానికి సిద్ధమయ్యాడు. ఇక ఈ సినిమాతో పాటు ప్రవీణ్‌ సత్తారు దర్శకత్వంలో ది ఘోస్ట్‌ను పరుగులెట్టిస్తున్నారు. ఇదిలా ఉంటే ఈ సినిమా ఇంకా విడుదలవ్వక ముందే నాగార్జున మరో సినిమాను పట్టాలెక్కించే పనిలో పడ్డట్లు తెలుస్తోంది. మెగాస్టార్ చిరంజీవితో ‘గాడ్‌ ఫాదర్‌’ చిత్రాన్ని తెరకెక్కిస్తున్న మొహన్‌ రాజా దర్శకత్వంలో నాగార్జున ఓ సినిమా చేయడానికి గ్రీన్‌ సిగ్నల్‌ ఇచ్చినట్లు సమాచారం. ఈ సినిమాను మలయాళంలో మంచి విజయాన్ని అందుకున్న ‘బ్రో డాడీ’ అనే సినిమాకు రీమేక్‌గా తెరకెక్కిస్తున్నట్లు తెలుస్తోంది.

ఇదిలా ఉంటే ఈ సినిమాకు సంబంధించి మరో ఆసక్తికరమైన చర్చ నడుస్తోంది. ఈ సినిమాలో నాగార్జునతో పాటు అఖిల్‌ కూడా నటించనున్నట్లు సమాచారం. ఇంత వరకు నాగ్‌ చిత్రాల్లో ఎక్కువగా నాగ చైతన్య నటించాడు. కానీ అఖిల్‌ ఒక్క మనం సినిమాలోనే కనిపించాడు. అందులో కూడా అఖిల్‌ది కేవలం గెస్ట్‌ రోల్‌ మాత్రమే. అయితే ఈ మలయాళ రీమేక్‌లో మాత్రం అఖిల్‌ ఫుల్‌ లెంత్‌ పాత్రలో నటించనున్నాడని సమాచారం. ఇక ఈ సినిమాకు ఉన్న మరో ప్రత్యేకత ఇది నాగార్జున 100వ చిత్రం. మరి నాగార్జున కొత్త సినిమా ప్రచారంలో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాల్సిందే.

Follow us on

Related Stories

Most Read Stories

Click on your DTH Provider to Add TV9 Telugu