Shreya Muralidhar: గుండెపోటుతో యంగ్ యూట్యూబర్ ఆకస్మిక మరణం..ప్రదీప్‌తో ‘పెళ్లి చూపులు’ షో

ఈ మధ్యకాలంలో తక్కువ వయస్సులోనే యువతీయువకులు గుండెపోటుతో ప్రాణాలు విడుస్తున్నారు. అప్పటివరకు చలాకీగా, కలివిడిగా తిరిగినవారు.. అకస్మాత్తుగా అచేతనంగా మారిపోతున్నారు. తాజాగా యూట్యూబర్, నటి శ్రీయా మురళీధర్ గుండెపోటుతో ప్రాణాలు విడిచింది. సోమవారం రాత్రి సమయంలో ఆమె కార్డియాక్ అరెస్ట్‌కు గురి కావడంతో హాస్పిటల్‌కు తరలిస్తుండగా మార్గ మధ్యలోనే ఈ ప్రపంచాన్ని వీడింది. ఊహించని విధంగా 27 ఏళ్ల వయసులోనే ఆమె గుండెపోటుతో ప్రాణాలు విడవడంతో.. కుటుంబ సభ్యులు, స్నేహితులు గుండెలవిసేలా రోదిస్తున్నారు.

యూట్యూబ్ ద్వారా ఫేమ్ తెచ్చుకున్న శ్రియా ముర‌ళీధ‌ర్ …యాంకర్ ప్రదీప్ రియాలిటీ షో… ‘పెళ్లి చూపులు’లో కంటెస్టెంట్‌గా పాల్గొంది. ఆ తర్వాత పలు షార్ట్ ఫిల్మ్స్‌‌లో కూడా నటించింది. యాంకర్‌గా కూడా పలు కార్యక్రామాల్లో మెప్పించేది. అలాగే ‘బ్యూటీ అండ్ ద బాస్’ సీజన్ 2లో ఓ పాత్ర చేసింది. ‘వాట్ ద ఫన్’  యూట్యూబ్ ఛాన‌ల్‌లో ఆమె చేసిన వీడియోలు.. నెటిజన్లను ఆకట్టుకున్నాయి. త్వరలోనే వెండితెరపై కనిపించాలని ఆరాటపడుతోన్న ఈ యంగ్ యూట్యూబర్ అర్థాంతరంగా లోకాన్ని వీడింది. శ్రీయా మురళీధర్ స్వస్థలం హైదరాబాద్‌లోని లక్డీకాపూల్. ఆమె ఆకస్మిక మరణం అందరినీ కలచివేసింది. శ్రీయా మురళీధర్ మృతి పట్ల దీప్తీ సునయన, సినీ నటి సురేఖ కుమార్తె సుప్రిత దిగ్భ్రాంతి వ్యక్తం చేశారు.

View this post on Instagram

A post shared by Shreya Muralidhar Ambala! (@shreyamuralidhar__)

Also Read:  చిత్తూరు జిల్లాలో హడలెత్తిస్తున్న వింత శబ్దాలు.. వరుస ప్రకంపనలతో జనం పరుగులు..