Mahesh Babu: కూతురితో కలిసి బుల్లితెరపై సందడి చేసిన సూపర్ స్టార్.. మహేష్ న్యూలుక్‏కు‏ ఫ్యాన్స్ ఫుల్ ఖుషి..

సూపర్ స్టార్ మహేష్ బాబు ప్రస్తుతం డైరెక్టర్ త్రివిక్రమ్ సినిమా కోసం సిద్ధమవుతున్నాడు. త్వరలోనే ఈ మూవీ రెగ్యూలర్ షూటింగ్ ప్రారంభంకానుంది. ఇందులో మహేష్ సరసన పూజా హెగ్డే నటించనుంది. అయితే చాలా రోజులుగా ఎస్ఎస్ఎంబీ 28 సినిమా అప్డేట్ కోసం వెయిట్ చేస్తున్న తన ఫ్యాన్స్‏కు స్పెషల్ సర్ ప్రైజ్ ఇచ్చేశాడు మహేష్. వెండితెరపై కాకుండా రియాల్టీ షోలకు అరుదుగా వస్తుంటారు. కానీ తాజాగా డాన్స్ రియాల్టీ షోలో తన కూతురు సీతారతో కలిసి సందడి చేశాడు. ఇందుకు సంబంధించిన ప్రోమో సోషల్ మీడియాను షేక్ చేస్తుంది.

జీ తెలుగు ఇప్పుడు డాన్స్ ఇండియా డాన్స్ అనే రియాల్టీ షోను ప్రారంభిస్తోన్న సంగతి తెలిసిందే. తాజాగా ఈ షోకు సంబంధించిన ప్రోమోను రిలీజ్ చేశారు మేకర్స్. అందులో సూపర్ స్టార్ మహేష్ బాబు తన కుమార్తె సీతారతో కలిసి పాల్గొన్నారు. ఈ ప్రోమోలో మహేష్ మాట్లాడుతూ.. తనకు తెలిసి డాన్స్ అనేది ఓ సెలబ్రెషన్ అని అన్నారు. అనంతరం స్టేజ్ పై కంటెస్టెంట్లతో కలిసి సీతార డాన్స్ చేసింది. సర్కారు వారి పాట చిత్రంలోని పెన్నీ సాంగ్‏ సిగ్నెచర్ స్టెప్ వేసి ఆకట్టుకుంది సీతూపాప. మహేష్ బాబు ఎప్పుడూ ఇలా ఓ రియాల్టీ షోలో పాల్గొనడం ఇదే తొలిసారి. ప్రోమో చూసిన ఫ్యాన్స్ మహేష్ న్యూలుక్ చూసి ఫిదా అవుతున్నారు. మొదటి సారి తమ అభిమాన హీరో రియాల్టీ షోలో సందడి చేయడంతో ఫుల్ ఖుషి అవుతున్నారు.

Mahesh