Rajamouli- James cameron: జక్కన్న మీద పొగడ్తల వర్షం కురిపించిన హాలీవుడ్ దర్శకుడు జేమ్స్ కామెరూన్
ఇప్పుడు దీనికి సంబంధించిన ఓ వీడియోను తాజాగా ‘ఆర్‌ఆర్‌ఆర్‌’ టీమ్‌ నెటిజన్లతో పంచుకుంది. దీనిపై పలువురు స్పందిస్తూ..భారతీయ సినిమాకు దక్కిన గొప్ప గౌరవం అంటూ కొనియాడుతున్నారు.
దర్శకధీరుడు రాజమౌళికి హాలీవుడ్ టాప్ డైరెక్టర్‌ జేమ్స్ కామెరూన్ అదిరిపోయే ఆఫర్‌ ఇచ్చారు. ఆర్‌ఆర్‌ఆర్‌ చూసి ఫిదా అయిన ఆయన భవిష్యత్తులో ఎప్పుడైనా జక్కన్నకు హాలీవుడ్‌లో సినిమా చేసే ఉద్దేశం ఉంటే తనని సంప్రదించాలని కోరారు. ఇప్పుడు దీనికి సంబంధించిన ఓ వీడియోను తాజాగా ‘ఆర్‌ఆర్‌ఆర్‌’ టీమ్‌ నెటిజన్లతో పంచుకుంది. దీనిపై పలువురు స్పందిస్తూ..భారతీయ సినిమాకు దక్కిన గొప్ప గౌరవం అంటూ కొనియాడుతున్నారు.
ఇటీవల అమెరికాలో జరిగిన ఓ కార్యక్రమంలో జేమ్స్ కామెరూన్‌ను రాజమౌళి కలిసిశారు. ‘ఆర్‌ఆర్‌ఆర్‌’ గురించి వీరిద్దరూ చాలా సేపు మాట్లాడుకున్నారు. ఈ సినిమా తనకెంతో నచ్చిందంటూ ఇందులోని పలు సీన్లను కామెరూన్ వివరణాత్మకంగా జక్కన్నకు చెప్పారు. ఈ చిత్రాన్ని కామెరూన్ రెండుసార్లు చూసినట్లు ఆయన సతీమణి సుజీ కామెరూన్ వెల్లడించారు. వీరిద్దరి మాటలతో రాజమౌళి అమితానందం పొందారు. ఈ మొత్తం సంభాషణకు సంబంధించిన ఓ స్పెషల్‌ వీడియోను RRR టీమ్‌ శనివారం విడుదల చేసింది.
హాలీవుడ్‌లో కామెరూన్ తీసిన టెర్మినేటర్‌, అవతార్‌,టైటానిక్‌ సినిమాలు చూశానని, అవి తనలో స్ఫూర్తి నింపాయని రాజమౌళి ఆయనతో చెప్పారు. ఆ వెంటనే స్పందించిన కామెరూన్, మీరు తీసిన సినిమాలు, అందులోని పాత్రలు చూస్తుంటే విభిన్నమైన అనుభూతి కలిగిందని తెలిపారు. నిప్పు, నీరు, కథ..ఇలా ఒకదాని తర్వాత మరొకటి మీరు చూపించిన విధానం, బ్యాక్‌గ్రౌండ్‌ స్టోరీని చెప్పిన తనకెంతో నచ్చిందన్నారు కామెరూన్. ఈ పొగడ్త తనకు అవార్డులకంటే ఎక్కువని రాజమౌళి ఆయనకు థ్యాంక్స్‌ చెప్పారు.
