Sai Dharam Tej Accident: సాయి ధరమ్ తేజ్ రోడ్డు ప్రమాదం.. ఇదిగో ఇలా స్కిడ్ అయ్యింది.. వీడియో ఫుటేజీ..

Sai Dharam Tej Accident: హైదరాబాద్‌లోని మాదాపూర్‌లో జరిగిన రోడ్డు ప్రమాదంలో మెగాస్టార్ చిరంజీవి మేనల్లుడు సాయిధరమ్ తేజ్‌ తీవ్రంగా గాయపడిన విషయం తెలిసిందే. జూబ్లీహిల్స్‌లోని..

Accident

Shiva Prajapati |

Updated on: Sep 11, 2021 | 12:44 AM

Sai Dharam Tej Accident: హైదరాబాద్‌లోని మాదాపూర్‌లో జరిగిన రోడ్డు ప్రమాదంలో మెగాస్టార్ చిరంజీవి మేనల్లుడు సాయిధరమ్ తేజ్‌ తీవ్రంగా గాయపడిన విషయం తెలిసిందే. జూబ్లీహిల్స్‌లోని అపోలో ఆస్పత్రిలో చికిత్స పొందుతున్న సాయి తేజ్ ఆరోగ్య పరిస్థితి ప్రస్తుతం నిలకడగా ఉందని వైద్యులు చెబుతున్నారు. కాగా, రోడ్డు ప్రమాదానికి సంబంధించిన సీసీ కెమెరా ఫుటేజీని మాదాపూర్ పోలీసులు మీడియాకు విడుదల చేశారు. ఈ వీడియోలో రెప్పపాటులో ప్రమాదానికి గురయ్యాడు సాయిధరమ్ తేజ్. ఈ ఫుటేజీలో బైక్‌పై వస్తున్న సాయిధరమ్ తేజ్.. తన ముందున్న బైక్, ఆటోను ఓవర్‌టేక్ చేసే ప్రయత్నం చేశాడు. ఈ క్రమంలో బైక్ ముందువైపు చక్రం ఒక్కసారిగా స్కిడ్ అయ్యింది. దాంతో సాయితేజ్ బైక్‌తో సహా కిందపడిపోయాడు. కొంత దూరం వరకూ రోడ్డుపై జారి పడ్డాడు. అయితే, రోడ్డుపై పడిపోయిన వెంటనే సాయిధరమ్ తేజ్ తలకు ఉన్న హెల్మెట్ ఎగిరిపోయింది. అదృష్టావశాత్తు తలకు గాయాలు అవకపోవడంతో ప్రాణాపాయం తప్పింది.