రిచ్ లొకేషన్స్‌లో ‘సాహో’ రొమాంటిక్ సాంగ్!

రెబల్ స్టార్ ప్రభాస్, శ్రద్ధా కపూర్ ప్రధాన పాత్రల్లో దర్శకుడు సుజీత్ తెరకెక్కిస్తున్న చిత్రం ‘సాహో’. ఆగష్టు 30న విడుదల కాబోతున్న ఈ చిత్రం నుంచి “ఏచోట నువ్వున్నా” అనే సాంగ్ టీజర్‌ను విడుదల చేసింది చిత్ర యూనిట్. ఆస్ట్రియా దేశంలోని ఆల్ప్స్ పర్వతాలలో సాగిన ఈ రొమాంటిక్ సాంగ్‌ను చాలా రిచ్‌గా రూపొందించారు.

ఈ సాంగ్కు గురు రాంధవ సంగీతం అందించగా, హరి చరణ్ శేషాద్రి, తులసి కుమార్ పాడారు. ఈ పాటకు కృష్ణ కాంత్ లిరిక్స్ అందించారు. మురళి శర్మ, జాకీ షరీఫ్, మందిరా బేడీ, నీల్ నితిన్ ముకేశ్, అరుణ్ విజయ్ ఈ మూవీలో కీలక పాత్రలు పోషిస్తున్నారు. యూవీ క్రియేషన్స్, టి సిరీస్ కలిసి సంయుక్తంగా ఈ చిత్రాన్ని నిర్మిస్తున్నాయి.