రష్మిక మందన్నకు అరుదైన గుర్తింపు.. జాతీయ క్రష్‌గా మారిన గీత మేడమ్‌

Rashmika National Crush: కన్నడ బ్యూటీ రష్మిక మందన్నకు అరుదైన గుర్తింపు లభించింది. ఈ సంవత్సరానికి గానూ నేషనల్‌ క్రష్‌ ఆఫ్‌ ఇండియాగా రష్మిక స్థానం సంపాదించుకున్నారు. నేషనల్‌ క్రష్ ఆఫ్ ఇండియా అని గూగుల్‌లో సెర్చ్‌ చేయగా.. రష్మిక మందన్న పేరు కనిపిస్తోంది. దాని కింద.. ”రష్మిక నేషనల్‌ క్రష్‌ ఆఫ్ ఇండియాగా మారింది. ఆమె ఔట్‌ఫిట్‌లను మేము ఇష్టపడుతాము. కానీ ఇప్పుడు ఆమె రేడియంట్‌ మేకప్‌ లుక్‌ని ఇంకా ఇష్టపడుతున్నాము” అని కామెంట్‌ ఉంది. (అడవుల్లో పుష్పరాజ్‌.. మాసిపోయిన షర్ట్‌, ఫ్యాంట్‌తో కేక పెట్టిస్తోన్న బన్నీ లుక్‌.. చూశారా..!)

కాగా కన్నడలో కిర్రిక్ పార్టీ ద్వారా హీరోయిన్‌గా ఎంట్రీ ఇచ్చారు రష్మిక. ఆ తరువాత అంజని పుత్ర, చమక్‌ చిత్రాల్లో నటించారు. ఇక ఛలోతో టాలీవుడ్‌కి ఎంట్రీ ఇచ్చిన ఈ ముద్దుగుమ్మ గీత గోవిందంతో పెద్ద విజయాన్ని ఖాతాలో వేసుకున్నారు. ఇక ఈ ఏడాది మహేష్‌బాబుతో సరిలేరు నీకెవ్వరు, నితిన్‌ భీష్మతో రెండు వరుస విజయాలను ఖాతాలో వేసుకున్నారు. ఇక ప్రస్తుతం ఈ బ్యూటీ తెలుగులో బన్నీ పుష్ప, శర్వానంద్‌ ఆడోళ్లు మీకు జోహార్లులో నటిస్తుండగా.. తమిళంలో కార్తి సరసన సుల్తాన్‌లో నటించారు. అలాగే కన్నడలో ధృవ్‌ సర్జా హీరోగా పొగరులో నటిస్తున్నారు. (కరోనా అప్‌డేట్స్‌: తెలంగాణలో 894 కొత్త కేసులు.. నలుగురు మృతి.. కోలుకున్న 1,057 మంది)