‘విరాట పర్వం’ మొదటి ఘట్టం పూర్తి!

రానా దగ్గుబాటి, సాయి పల్లవి ప్రధాన పాత్రల్లో దర్శకుడు వేణు ఉడుగుల దర్శకత్వంలో తెరకెక్కుతున్న చిత్రం ‘విరాట పర్వం 1992’. తెలంగాణ ప్రాంతంలోని 1990 నాటి సామాజిక పరిస్థితుల ఆధారంగా పీరియాడిక్ సోషల్ డ్రామాగా ఈ మూవీ రూపొందుతోంది.

తాజా సమాచారం ప్రకారం ఈ సినిమా ఇప్పటికే మొదటి షెడ్యూల్ ను పూర్తి చేసుకుంది. కొద్ది రోజుల క్రితం తెలంగాణలోని ధరిపల్లి అనే గ్రామంలో ప్రారంభమైన ఈ చిత్రం మొదటి షెడ్యూల్ నిన్నటితో పూర్తయింది. త్వరలోనే ఈ సినిమా సెకండ్ షెడ్యూల్ ప్రారంభం కానుంది. టబు, ప్రియమణి, మురళీ శర్మ తదితరులు కీలక పాత్రల్లో నటిస్తున్న ఈ చిత్రాన్ని సురేష్ బాబు, సుధాకర్ చెరుకూరి కలిసి సంయుక్తంగా నిర్మిస్తున్నారు. కాగా ఈ సినిమా తెలుగుతో పాటు తమిళ, హిందీ భాషల్లో కూడా విడుదల కానుంది.