Ram Charan: కన్ఫ్యూజన్లో రామ్ చరణ్..!
టాలీవుడ్ స్టార్ హీరోలు జోరును పెంచేస్తున్నారు. ఒకప్పటిలా ఎక్కువ గ్యాప్ తీసుకోకుండా.. వెంట వెంటనే సినిమాలు చేయాలని భావిస్తున్నారు. అందుకే ఒక సినిమా సెట్స్ మీద ఉండగానే., మరో మూవీని ప్రకటించేస్తున్నారు.
Updated on: Feb 27, 2020 | 7:01 PM
టాలీవుడ్ స్టార్ హీరోలు జోరును పెంచేస్తున్నారు. ఒకప్పటిలా ఎక్కువ గ్యాప్ తీసుకోకుండా.. వెంట వెంటనే సినిమాలు చేయాలని భావిస్తున్నారు. అందుకే ఒక సినిమా సెట్స్ మీద ఉండగానే., మరో మూవీని ప్రకటించేస్తున్నారు. అయితే అందరూ వరుస సినిమాలతో సిద్ధంగా ఉన్నా.. చెర్రీ మాత్రం ఇంకా కన్ఫ్యూజన్లో ఉన్నారట. ప్రస్తుతం రాజమౌళి దర్శకత్వంలో రామ్ చరణ్ ఆర్ఆర్ఆర్లో నటిస్తోన్న విషయం తెలిసిందే. ఈ సినిమాలో మరో స్టార్ నటుడు ఎన్టీఆర్తో కలిసి తొలిసారి నటిస్తున్నారు చెర్రీ. ఇక ఈ సినిమా షూటింగ్లో పాల్గొంటూనే తదుపరి సినిమాను ప్రకటించారు ఎన్టీఆర్. త్రివిక్రమ్ దర్శకత్వంలో నెక్ట్స్ సినిమా తెరకెక్కుతుండగా.. ఆర్ఆర్ఆర్ షూటింగ్ పూర్తి కాగానే అందులో ఎన్టీఆర్ పాల్గొనబోతున్నారు.
కానీ చెర్రీ మాత్రం ఇంకా కథలు వింటూనే ఉన్నారట. ఆ మధ్యన చిరు 152లో చెర్రీ నటించేందుకు డేట్లు ఇచ్చినప్పటికీ.. కొన్ని కారణాల వలన ఈ ప్రాజెక్ట్ నుంచి తప్పుకున్నారు. ఇక ఈ సినిమాను పక్కనపెడితే మరో దర్శకుడికి ఇంతవరకు చెర్రీ ఓకే చెప్పలేదు. జెర్సీ ఫేమ్ గౌతమ్ తిన్ననూరి కథను విన్న చెర్రీ బావుందని చెప్పారట. తాజాగా మనం ఫేమ్ విక్రమ్ కె కుమార్ కూడా చెర్రీ ఓ కథను చెప్పగా.. మొత్తం స్క్రిప్ట్ను రెడీ చేసుకొని రమ్మారట. ఇక సుజీత్ కూడా రామ్ చరణ్కు ఓ కథను చెప్పినట్లు వార్తలు వస్తున్నాయి. అయితే ఎంతమంది కథలు చెబుతున్నా కేవలం వింటున్న చెర్రీ.. ఇంకా ఎవ్వరికీ ఓకే చెప్పలేదని సమాచారం. మరి అసలు చెర్రీకి కథలు నచ్చడం లేదా..? లేక ఆర్ఆర్ఆర్ క్రేజ్ను కంటిన్యూ చేసేందుకు కొత్త స్క్రిప్ట్ కోసం వెతుకుతున్నారో..? ఆయనకే తెలియాలి. అయితే భారీ బడ్జెట్తో తెరకెక్కుతోన్న ‘ఆర్ఆర్ఆర్’ వచ్చే ఏడాది సంక్రాంతి కానుకగా ప్రేక్షకుల ముందుకు రానున్న విషయం తెలిసిందే.
