Love Today OTT: ఓటీటీలోకి వచ్చేస్తోన్న క్రేజీ మూవీ ‘లవ్ టుడే’.. కానీ అంతలోనే సడన్ ట్విస్ట్.!
కేవలం రూ. 5 కోట్ల బడ్జెట్‌తో తమిళనాట నవంబర్ 4వ తేదీన చిన్న సినిమాగా విడుదలై.. బాక్సాఫీస్ దగ్గర ఏకంగా రూ. 60 కోట్లకు పైగా కలెక్షన్లు రాబట్టింది.
‘కోమలి’ ఫేం ప్రదీప్ రంగనాధన్ స్వీయ దర్శకత్వంలో తెరకెక్కిన తాజా చిత్రం ‘లవ్ టుడే’. కేవలం రూ. 5 కోట్ల బడ్జెట్‌తో తమిళనాట నవంబర్ 4వ తేదీన చిన్న సినిమాగా విడుదలై.. బాక్సాఫీస్ దగ్గర ఏకంగా రూ. 60 కోట్లకు పైగా కలెక్షన్లు రాబట్టింది. ఇక తెలుగులో ఈ సినిమాను నిర్మాత దిల్ రాజు రిలీజ్ చేశారు. నవంబర్ 25న టాలీవుడ్ ప్రేక్షకుల ముందుకు వచ్చిన ఈ చిత్రం.. తొలి షో నుంచే పాజిటివ్ టాక్ తెచ్చుకుని అదిరిపోయే వసూళ్లతో దూసుకుపోతోంది.
ఈతరం లవ్ స్టోరీగా రూపొందిన ఈ చిత్రంలో ప్రదీప్‌కు జోడిగా ఇవానా, రవీనా రవి హీరోయిన్లుగా నటించారు. ప్రస్తుతం థియేటర్లలో విజయవంతంగా రన్ అవుతోన్న ఈ చిత్రం ఓటీటీ రిలీజ్ డేట్‌పై అప్‌డేట్ వచ్చేసింది. డిసెంబర్ 2న నెట్‌ఫ్లిక్స్‌లో స్ట్రీమింగ్ కానుంది. దీనిపై అధికారిక ప్రకటన కూడా సదరు ఓటీటీ విడుదల చేసింది. అయితే ఇక్కడ ఓ ట్విస్ట్.. ఆ రోజు నుంచి కేవలం తమిళ భాషలో మాత్రమే ఈ చిత్రం ప్రసారం కానుంది. తెలుగు భాషలో ఎప్పుడు స్ట్రీమింగ్ అవుతుందో ఇంకా తెలియాల్సి ఉంది.
మరిన్ని ఎంటర్టైన్మెంట్ వార్తల కోసం..