స్టైలిష్ లుక్స్, ఫిట్నెస్తో యూత్ ఫిదా! ఫిట్నెస్ సీక్రెట్ చెప్పి షాకిచ్చిన బాలీవుడ్ బ్యూటీ
నేటి తరం హీరోయిన్లు జిమ్లో గంటల తరబడి గడపడమే కాకుండా, శరీర సమతుల్యత కోసం కొత్త రకమైన వ్యాయామాలు చేస్తున్నారు. ఖుషీ కపూర్ తన ఫిట్నెస్ ప్రయాణంలో పైలేట్స్ కు అత్యంత ప్రాధాన్యత ఇస్తుంది. కేవలం కండరాలు పెంచడం కంటే, శరీరాన్ని ధృడంగా, సరళంగామార్చుకోవడమే తన లక్ష్యం అని ఆమె తన వర్కవుట్ సెషన్ల ద్వారా నిరూపిస్తోంది.
బాలీవుడ్ యంగ్ బ్యూటీ ఖుషీ కపూర్ తన స్టైలిష్ లుక్స్తోనే కాదు, తన ఫిట్నెస్తోనూ కుర్రకారును ఆకట్టుకుంటోంది. అతి తక్కువ సమయంలోనే ఫ్యాషన్ ఐకాన్గా ఎదిగిన ఈ సుందరి, తన శరీరాన్ని ఎంత ఫిట్గా ఉంచుకుంటుందో సోషల్ మీడియాలో ఆమె షేర్ చేసే వర్కవుట్ వీడియోలు చూస్తే అర్థమవుతుంది. ప్రముఖ సెలబ్రిటీ ఫిట్నెస్ ట్రైనర్ నమ్రత పురోహిత్ పర్యవేక్షణలో ఖుషీ చేసే వర్కవుట్లు నెట్టింట ఎప్పుడూ వైరల్ అవుతుంటాయి. కేవలం జిమ్లో బరువులు ఎత్తడమే కాకుండా, సరదాగా సాగే ఆమె ఫిట్నెస్ మంత్రం ఏంటో తెలుసుకుందాం..
కొత్త రకం కార్డియో
ఒకప్పుడు కార్డియో అంటే కేవలం రన్నింగ్, సైక్లింగ్ మాత్రమే అనుకునేవారు. కానీ ఇప్పుడు ‘పైలేట్స్’ ఆ స్థానాన్ని భర్తీ చేస్తోంది. ఖుషీ కపూర్ తన దినచర్యలో పైలేట్స్ను తప్పనిసరిగా చేసుకుంది. ఇది శరీరం పరిమితులను గుర్తించి, అనవసరమైన ఒత్తిడి లేకుండా కండరాలను బలోపేతం చేయడానికి సహాయపడుతుంది. అందుకే ఆమె వర్కవుట్ సెషన్లు అంత రిఫ్రెషింగ్గా కనిపిస్తాయి.
ఏ వ్యాయామం మొదలుపెట్టే ముందైనా శరీరాన్ని సిద్ధం చేయడం చాలా ముఖ్యం. ఖుషీ తన సెషన్ ప్రారంభంలో స్ట్రెచింగ్కు ఎక్కువ సమయం కేటాయిస్తుంది. అలాగే వర్కవుట్ పూర్తయిన తర్వాత శరీరాన్ని చల్లబరచడానికి కూడా ఈ స్ట్రెచింగ్ వ్యాయామాలు ఎంతో తోడ్పడతాయి. దీనివల్ల గాయాలయ్యే ప్రమాదం తగ్గుతుంది.
సరదాగా సాగే వ్యాయామం..
వర్కవుట్ అంటే ఏదో కష్టమైన పనిలా కాకుండా, ఒక ఆటలా ఎంజాయ్ చేయాలని ఖుషీ నమ్ముతుంది. తన ట్రైనర్ నమ్రతతో కలిసి ఆమె వర్కవుట్ మధ్యలో చేసే చిన్న చిన్న గేమ్స్ ఆమెను ఎప్పుడూ ఉత్సాహంగా ఉంచుతాయి. మనం చేసే పనిని ఇష్టపడితేనే ఫలితం మెరుగ్గా ఉంటుందని ఆమె అభిప్రాయం. శరీరంలోని కోర్ బలాన్ని పెంచడానికి ఖుషీ వెయిట్ స్క్వాట్స్ చేస్తుంది. ఇది క్వాడ్స్ మరియు గ్లూట్స్ కండరాలను పటిష్టం చేయడానికి అద్భుతమైన మార్గం.
ఫుల్ బాడీ వర్కవుట్ చేయడం వల్ల బ్యాలెన్స్, స్టెబిలిటీ మరియు శక్తి ఒకేసారి లభిస్తాయి. ఖుషీ కపూర్ ఫిట్నెస్ ప్రయాణం చూస్తుంటే, ఒక పద్ధతి ప్రకారం చేసే వ్యాయామం మనల్ని ఎంత ఆరోగ్యంగా ఉంచుతుందో అర్థమవుతుంది. కేవలం సన్నబడటమే కాకుండా, అంతర్గత బలాన్ని పెంచుకోవడమే అసలైన ఫిట్నెస్. మీరు కూడా ఖుషీ లాగా ఫిట్గా ఉండాలనుకుంటే, మీ వర్కవుట్లో కొంచెం ఫన్, మరికొంచెం పైలేట్స్ జోడించండి!