Aranmanai 4 OTT: ఓటీటీలోకి వచ్చేసిన 100 కోట్ల హారర్ కామెడీ సినిమా.. ‘అరణ్మనై 4’ స్ట్రీమింగ్ ఎక్కడంటే?

Aranmanai 4 Movie

అందాల భామలు తమన్నా భాటియా, రాశీఖన్నాలు ప్రధాన పాత్రల్లో నటించిన చిత్ర అరణ్మనై 4. తెలుగులో బాకుగా రిలీజైంది. తమిళ, తెలుగు భాషల్లో మే 3న థియేటర్లలో రిలీజైన ఈ సినిమా సూపర్ హిట్ గా నిలిచింది. ఆడియెన్స్ ను భయపెట్టిస్తూనే కడుపుబ్బా నవ్వించింది. తమిళంలో ఈ సినిమా ఏకంగా రూ. 100 కోట్లు కొల్లగొట్టడం విశేషం. అయితే తమిళంలో అంతగా కాకపోయినా తెలుగులోనూ బాకు సినిమాకు ఓ మోస్తరు కలెక్షన్లు వచ్చాయి. ఇలా థియేటర్లలో ఆడియెన్స్ ను మెప్పించిన అరణ్మనై 4 ఇప్పుడు డిజిటల్ స్ట్రీమింగ్ కు వచ్చేసింది. ప్రముఖ ఓటీటీ ప్లాట్ పామ్ డిస్నీ ప్లస్ హాట్ స్టార్ ఈ కామెడీ హారర్ సినిమా డిజిటల్ స్ట్రీమింగ్ హక్కులను సొంతం చేసుకుంది. ఈ నేపథ్యంలో శుక్రవారం (జూన్ 21వ తేదీ) అర్ధరాత్రి నుంచి అరణ్మనై 4 సినిమాను ఓటీటీ ఆడియెన్స్ కు అందుబాటులోకి తెచ్చింది. తెలుగుతో పాటు తమిళం, కన్నడ, మలయాళం భాషల్లోనూ అరణ్మనై 4 స్ట్రీమింగ్ కు తీసుకొచ్చింది. ఈవిషయాన్ని సోషల్ మీడియా ద్వారా ప్రకటించింద డిస్నీ ప్లస్ హాట్ స్టార్. కాగా తమిళంలో అరణ్మనై కామెడీ ఫ్రాంచైజీ సిరీస్ సినిమాలకు బాగా ఆదరణ ఉంది. ఈ సిరీస్ లో ఇప్పటివరకు రిలీజైన మూడు సినిమాలు సూపర్ హిట్ గా నిలిచాయి. ఇప్పుడు నాలుగో సినిమా కూడా రిలీజై సూపర్ హిట్ గా నిలిచింది.

ప్రముఖ నటి ఖుష్బూ భర్త సుందర్ తెరకెక్కించిన అరణ్మనై 4 సినిమాలో కేజీఎఫ్ రామచంద్ర రాజు, సంతోష్ ప్రతాప్, కోవై సరళ, యోగిబాబు, ఢిల్లీ గణేశ్, జయప్రకాశ్, ఫ్రెడ్రిక్ జాన్సన్ తదితరులు ప్రధాన పాత్రల్లో మెరిశారు. అన్వి సినీమ్యాక్స్, బెంజ్ మీడియా బ్యానర్లపై ఖుష్బూ సుందర్, అరుణ్ కుమార్ ఈ సినిమాను నిర్మించారు. హిప్‍హాప్ తమిజా స్వరాలు సమకూర్చారు. ఇందులో తమన్నా ఆత్మగా నటించడం విశేషం. పైగా ఇందులోని అచ్చో అచ్చచ్చో అనే ప్రమోషనల్ సాంగ్ లో తమన్నా, రాశీఖన్నాలు కలిసి సూపర్బ్ గా స్టెప్పులేశారు. మరి థియేటర్లలో అరణ్మనై సినిమాను మిస్ అయ్యారా? అయితే ఎంచెక్కా ఓటీటీలో చూసి ఎంజాయ్ చేయండి.

డిస్నీ ప్లస్ హాట్ స్టార్ లో అందుబాటులోకి..

మరిన్ని సినిమా వార్తల కోసం ఇక్కడ క్లిక్ చేయండి.