OTT Movie: ఐదేళ్ల తర్వాత ఓటీటీలోకి వచ్చేసిన బోల్డ్ మూవీ.. షకీలా బయోపిక్ తెలుగు వెర్షన్ ఎక్కడ చూడొచ్చంటే?

ప్రముఖ శృంగార నటి షకీలా జీవిత కథ ఆధారంగా ఈ మూవీ తెరకెక్కింది. 2020 డిసెంబర్ 25న థియేటర్లలో ఈ చిత్రం విడుదలైంది. అయితే సినిమాలో ఎక్కువగా అడల్ట్ అండ్ బోల్డ్ కంటెంట్ ఉందని విమర్శలు వచ్చాయి. ఇప్పుడీ సినిమా ఓటీటీలోకి వచ్చేసింది.

Shakeela Biopic

Basha Shek |
Updated on: May 31, 2025 | 2:48 PM

ప్రముఖ నటి షకీలా జీవితం ఆధారంగా బాలీవుడ్ లో తెరకెక్కిన చిత్రం షకీలా. ఇంద్రజీత్‌ లంకేశ్‌ తెరెక్కించిన ఈ బయోపిక్ లో షకీలా పాత్రలో బాలీవుడ్ అందాల తార రిచా చద్దా నటించింది. 2020 డిసెంబర్ 25న థియేటర్లలో విడుదలైన ఈ సినిమా యావరేజ్ గా నిలిచింది. హిందీతో పాటు తమిళ,తెలుగు, కన్నడ భాషల్లో ఒకేసారి విడుదలైన ఈ బయోపిక్ కు ఓ మోస్తరు వసూళ్లు చ్చాయి. అదే సమయంలో సినిమాలో ఎక్కువగా అడల్డ్ కంటెంట్ ఉండడంపై విమర్శలు వచ్చాయి. ఓ వర్గం ప్రేక్షకులు మాత్రమే ఈ సినిమాను బాగా ఆదరించారు. దీనికి తోడు ఈ మూవీ విడుదలైన వెంటనే పైరసీ బారిన పడింది. యూట్యూబ్‌లలో కూడా ఈ చిత్రాన్ని రిలీజ్ చేశారు. అయితే థియేటర్లలో రిలీజైన ఐదేళ్ల తర్వాత షకీలా సినిమా ఓటీటీలోకి వచ్చేసింది. ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో సొంతం చేసుకుంది. ఈ ఏడాది మార్చిలో షకీలా సినిమా ఒరిజినల్ (హిందీ) వెర్షన్ స్ట్రీమింగ్ కు వచ్చింది. ఇప్పుడు లేటెస్ట్ గా తెలుగు వెర్షన్ కూడా అందుబాటులోకి వచ్చింది.

షకీలా సినిమాలో పంకజ్‌ త్రిపాఠీ, టాలీవుడ్ నటి ఎస్తర్‌ నోరన్హ, రాజీవ్‌ పిళ్లై, శివ రానా, కాజోల్‌ చుగ్, సందీప్‌ మలని తదితరులు కీలక పాత్రలు పోషించారు. ప్రకాష్‌ పళని సమర్పణలో సమ్మి నన్వనీ, శరవణ ప్రసాద్‌ ‘షకీలా’ సినిమాను నిర్మించారు. వీర్ సమర్థ్ సంగీతం అందించారుమహేష్ బాబు హీరోగా నటించిన పోకిరి సినిమాలో ప్రకాశ్ రాజ్ గర్ల్ ఫ్రెండ్ గా నటించిన శివ్ రానా ఈ సినిమాలో సిల్క్ స్మిత రోల్ పోషించడం విశేషం. సినిమా ఇండస్ట్రీలో మంచి న‌టిగా పేరు తెచ్చుకోవాల‌నుకున్న ష‌కీలా.. శృంగార తార‌గా ఎలా మారిందన్నదే సినిమా కథ. సినిమా ఇండస్ట్రీలో షకీలా పడ్డ కష్టాలు, సొంత కుటుంబ సభ్యుల నుండి ఆమెకు ఎదురైన అవమానాలు, మోసాలను ఈ సినిమాలో చూపించారు.

ఇవి కూడా చదవండి