Manucharitra OTT: సడెన్‌గా ఓటీటీలోకి వచ్చేసిన ‘మను చరిత్ర’.. స్ట్రీమింగ్‌ ఎక్కడంటే?

Manucharitra Movie

ఇటీవల కొన్ని సినిమాలు హఠాత్తుగా ఓటీటీలో దర్శనమిస్తున్నాయి. ఎలాంటి ముందస్తు ప్రకటనలు లేకుండానే డిజిటల్‌ స్ట్రీమింగ్‌ కు వస్తున్నాయి. అలాగే థియేటర్లలో రిలీజై నెల రోజులు పూర్తి కాకముందే ఓటీటీలో వచ్చి ఆడియెన్స్‌కు సర్‌ప్రైజ్‌ ఇస్తున్నాయి. తాజాగా మరో సినిమా సడెన్‌గా ఓటీటీలోకి వచ్చేసింది. శివ కందుకూరి హీరోగా నటించిన మను చరిత్ర శుక్రవారం నుంచి డిజిటల్‌ స్ట్రీమింగ్‌కు వచ్చేసింది. లవ్‌ అండ్‌ యాక్షన్‌ ఎంటర్‌గా తెరకెక్కిన ఈ మూవీలో మేఘా ఆకాష్, ప్రియా వడ్లమాని, ప్రగతి శ్రీవాత్సవ్ హీరోయిన్లుగా నటించారు. సుహాస్‌, డాలీ ధనుంజయ్‌ కీలక పాత్రలు పోషించారు. రిలీజ్‌కు ముందు టీజర్లు, ట్రైలర్లతో అర్జున్‌ రెడ్డిని మరోసారి గుర్తుకు తెచ్చిన మనుచరిత్రపై చాలామందికి ఆసక్తి కలిగింది. అయితే జూన్‌ 23న థియేటర్లలో విడుదలైన ఈ మూవీ మిక్స్‌డ్‌ టాక్‌ను సొంతం చేసుకుంది. థియేటర్లలో యావరేజ్‌గా నిలిచిన మను చరిత్ర ఇప్పుడు సడెన్‌గా ఓటీటీలోకి వచ్చేసింది. ప్రముఖ ఓటీటీ ప్లాట్‌ఫామ్‌ అమెజాన్‌ ప్రైమ్‌ వీడియోలో శుక్రవారం నుంచి ఈ మూవీ స్ట్రీమింగ్‌ అవుతోంది.

క‌థేమిటంటే?

మను చరిత్ర సినిమాతో భ‌ర‌త్ పెద‌గాని డైరెక్టర్‌గా టాలీవుడ్‌కు పరిచయమయ్యారు. ఎన్ శ్రీనివాస రెడ్డి నిర్మించిన ఈ సినిమాలో శ్రీకాంత్ అయ్యంగార్, మధునందన్, రఘు, దేవీప్రసాద్, ప్రమోదిని, సంజయ్ స్వరూప్ తదితరులు నటించారు. గోపి సుందర్‌ స్వరాలు సమకూర్చారు. కథ విషయానికొస్తే.. వరంగల్‌ బ్యాక్‌డ్రాప్‌లో ఈ సినిమా నడుస్తోంది. మెడిసిన్‌ చదివే మను (శివ కందుకూరి) జెన్నీ (మేఘా ఆకాష్‌)ను లవ్‌ చేస్తాడు. అయితే అనుకోని కారణాల వల్ల అమ్మాయి ప్రేమకు దూరమై రౌడీగా మారతాడు. మేయర్‌ హత్య కేసులో జైలుకు వెళతాడు. మరి మనులో మార్పు ఎలా వచ్చింది? అతని జీవితంలోకి శ్రావ్య, జాను అమ్మాయిలు ఎందుకొచ్చారన్నదే మను చరిత్ర కథ. సో.. థియేటర్లలో మను చరిత్రను మిస్‌ అయిన వారు ఓటీటీలో చూసి ఎంజాయ్‌ చేయండి.

మరిన్ని సినిమా వార్తల కోసం క్లిక్ చేయండి..