OTT Movie: అప్పుడే ఓటీటీలోకి రవితేజ తమ్ముడి కుమారుడి సినిమా.. స్ట్రీమింగ్ ఎప్పుడు, ఎక్కడంటే?

మాస్ మహారాజా రవితేజ ఇటీవలే ఇరుముడి సినిమాతో బ్లాక్ బస్టర్ అందుకున్నాడు. అలాంటి రవితేజ ఫ్యామిలీ నుంచి మరో హీరో వెండితెరకు పరిచయం అయ్యాడు. రవితేజ తమ్ముడు, నటుడు రఘు రాజు కుమారుడు మాధవ్ భూపతిరాజు హీరోగా ఎంట్రీ ఇచ్చిన తొలి చిత్రం ‘మారెమ్మ’. మంచాల నాగరాజ్ తెరకెక్కించిన ఈ రూరల్ యాక్షన్ డ్రామా సెప్టెంబర్ 10న ప్రేక్షకుల ముందుకు వచ్చింది. రిలీజ్ కు ముందే ఈ సినిమా నుంచి వచ్చిన కంటెంట్ ను చూసి మూవీపై అంచనాలు పెరిగాయి. అయితే తీరా థియేటర్లలో రిలీజయ్యాక ప్రేక్షకుల అంచనాలు అందుకోవడంలో మారెమ్మ సినిమా విఫలమైంది. తెలంగాణ పల్లె సంస్కృతి, సంప్రదాయాలు, నమ్మకాల చుట్టూ తెరకెక్కిన ఈ సినిమాలో పాయింట్ మంచిదే అయినా టేకింగ్‌ మాత్రం నిరాశపర్చింది. వసూళ్లు కూడా పెద్దగా రాలేదు. థియేటర్లలో పెద్దగా ఆడని మారెమ్మ సినిమా ఇప్పుడు ఓటీటీలోకి రానుంది. ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో సొంతం చేసుకుంది. ఈ నేపథ్యంలో త్వరలోనే రవితేజ కుమారుడి సినిమా ఓటీటీలోకి రానుందని సమాచారం. ప్రస్తుతమున్న సమాచారం ప్రకారం అక్టోబర్ 09 నుంచే ఈ సినిమా డిజిటల్ స్ట్రీమింగ్ కు రానుందని టాక్. త్వరలోనే దీనిపై ఓ అధికారిక ప్రకటన రానుందని తెలుస్తోంది.

మోక్ష ఆర్ట్స్ బ్యానర్‌పై మయూర్ రెడ్డి బండారు మారెమ్మ సినిమాను నిర్మించారు. మాధవ్ భూపతి రాజు సరసన దీపా బాలు హీరోయిన్‌గా నటించింది. అలాగే సీనియర్ హీరో వినోద్ కుమార్, వికాస్ వశిష్ట, దయానంద్ రెడ్డి, రూపా లక్ష్మి తదితరులు కీలకపాత్రలు పోషించారు. ఈ సినిమా స్టోరీ విషయానికి వస్తే.. తెలంగాణలోని మహిషాపురం అనే గ్రామంలో ఈ కథ సాగుతుంది. ఆ ఊరి ప్రజలు తమ ఇలవేల్పు ‘మారెమ్మ’ దేవతను ఎంతో నిష్ఠతో పూజిస్తారు. ఊరి ఆచారం ప్రకారం అమ్మవారికి ఏటా ఒక పవిత్రమైన దున్నపోతును బలి ఇవ్వడం ఆనవాయితీ. ఇదే క్రమంలో ‘మారి’ అనే ఆ దున్నపోతును కర్ణి (మాధవ్ భూపతిరాజు) ఎంతో ప్రేమగా పెంచుతాడు. అయితే అమ్మవారికి బలి ఇచ్చే సమయానికి ఆ దున్నపోతు అకస్మాత్తుగా కనిపించకుండా పోతుంది.మరి అసలు ఆ దున్నపోతు ఎక్కడికి పోయింది? దాన్ని వెతికే క్రమంలో కర్ణికి ఎదురైన పరిణామాలు ఏంటి? ఊరి పెద్దలు, గ్రామస్థులు ఎలా స్పందించారు? గ్రామాన్ని ఆ దున్నపోతు ఎలా కాపాడింది? అనేది మిగతా కథ.

మారెమ్మ సినిమా ట్రైలర్..

ఇవి కూడా చదవండి

థియేటర్లలో ఉండగానే ఓటీటీలోకి వచ్చేసిన రవితేజ 'ఇరుముడి'

బోనాలు సమర్పించడంపై ట్రోలింగ్.. మరోసారి స్పందించిన ఫరియా

గణేషుని పూజా ప్రసాదాన్ని నిరాకరించిన 'రామయణం' హీరో.. వీడియో

ఎంఎస్ అమ్మనే రష్మికను ఎంచుకుందేమో! అల్లు అరవింద్ కామెంట్స్

మరిన్ని సినిమా వార్తల కోసం ఇక్కడ క్లిక్ చేయండి