Meter OTT: అప్పుడే ఓటీటీలోకి కిరణ్‌ అబ్బవరం సినిమా!! మీటర్‌ స్ట్రీమింగ్‌ ఎప్పుడు, ఎక్కడంటే?

Meter Ott

వినరో భాగ్యము విష్ణుకథ వంటి హిట్‌ తర్వాత యంగ్‌ హీరో కిరణ్‌ అబ్బవరం నటించిన సినిమా మీటర్. పోలీస్‌ కాప్‌ స్టోరీ నేపథ్యంలో తెరకెక్కిన ఈ సినిమాలో అతుల్య రవి హీరోయిన్‌గా నటించింది. క్లాప్‌ ఎంటర్‌టైన్‌మెంట్స్‌ బ్యానర్‌పై చిరంజీవి, హేమలత నిర్మించిన ఈ సినిమాకు రమేశ్‌ కండూరి దర్శకత్వం వహించారు. మైత్రీ మూవీ మేక‌ర్స్ స‌మ‌ర్పకులుగా వ్యవహరించారు.భారీ అంచనాలతో ఏప్రిల్‌ 7 న థియేటర్లలో విడుదలైన  మీటర్ సినిమాకు మిక్స్‌డ్‌ టాక్‌ వచ్చింది. రివేంజ్ డ్రామాతో క‌మ‌ర్షియ‌ల్ ఎంట‌ర్‌టైన‌ర్‌గా రూపొందిన ఈ సినిమా ప్రేక్షకులను పెద్దగా ఆకట్టుకోలేకపోయింది. అయితే కమర్షియల్‌ మూవీస్ చూసేవారిని ఓ మోస్తరు ఆకట్టుకుంది. అలాగే పోలీస్‌గా కిరణ్‌ అబ్బవరం యాక్టింగ్‌, అతుల్య రవి అందచందాలు కాస్త రిలీఫ్‌ ఇస్తాయి. ఇలా థియేటర్లలో మిక్స్‌డ్‌ టాక్‌ సొంతం చేసుకున్న మీటర్‌ సినిమా డిజిటల్‌ ప్రీమియర్‌కు సిద్ధమైంది. త్వరలోనే ప్రముఖ ఓటీటీలో ఈ సినిమా స్ట్రీమింగ్‌ కానుందని తెలుస్తుంది.

మీటర్‌ సినిమా డిజిట‌ల్ రైట్స్‌ను ప్రముఖ ఓటీటీ ప్లాట్‌ ఫామ్‌ నెట్‌ఫ్లిక్స్ సొంతం చేసుకున్న‌ది. థియేట్రిక‌ల్ రిలీజ్‌కు ముందే మీట‌ర్ డిజిట‌ల్ రైట్స్ అమ్ముడుపోయిన‌ట్లు స‌మాచారం. మే మొదటి వారంలో ఈ సినిమా ఓటీటీలో స్ట్రీమింగ్ కానుందట. త్వ‌ర‌లోనే ఓటీటీ రిలీజ్ డేట్‌ను అఫీషియ‌ల్‌గా అనౌన్స్ చేసే అవ‌కాశం ఉన్న‌ట్లు తెలిసింది. ఈ సినిమాలో ధనుష్‌ పవన్‌, సప్తగిరి, పోసాని కృష్ణ మురళి, వినయ్‌ వర్మ, కేశవ్‌ దీపక్‌ తదితరులు నటించారు.

మరిన్ని సినిమా వార్తల కోసం క్లిక్ చేయండి..