Bharateeyudu 2 OTT: అఫీషియల్.. భారతీయుడు2 ఓటీటీ రిలీజ్ డేట్ వచ్చేసింది.. స్ట్రీమింగ్ ఎప్పటినుంచంటే?
లోక నాయకుడు కమల్ హాసన్ ప్రధాన పాత్రలో నటించిన కొత్త చిత్రం 'భారతీయుడు 2'. దాదాపు 28 ఏళ్ల (1996)క్రితం వచ్చిన సూపర్ హిట్ సినిమా భారతీయుడు సీక్వెల్గా దీన్ని తెరకెక్కించారు. సెన్సేషనల్ డైరెక్టర్ శంకర్ తెరకెక్కించిన ఈ సినిమాలో సిద్ధార్, రకుల్ప్రీత్ సింగ్, బాబీ సింహా, బ్రహ్మానందం, ప్రియా భవానీ శంకర్, కాజల్ అగర్వాల్ తదితరులు కీలకపాత్రలలో మెరిశారు
లోక నాయకుడు కమల్ హాసన్ ప్రధాన పాత్రలో నటించిన కొత్త చిత్రం ‘భారతీయుడు 2’. దాదాపు 28 ఏళ్ల (1996)క్రితం వచ్చిన సూపర్ హిట్ సినిమా భారతీయుడు సీక్వెల్గా దీన్ని తెరకెక్కించారు. సెన్సేషనల్ డైరెక్టర్ శంకర్ తెరకెక్కించిన ఈ సినిమాలో సిద్ధార్, రకుల్ప్రీత్ సింగ్, బాబీ సింహా, బ్రహ్మానందం, ప్రియా భవానీ శంకర్, కాజల్ అగర్వాల్ తదితరులు కీలకపాత్రలలో మెరిశారు. భారీ అంచాలతో జులై 12న థియేటర్లలో విడుదలైన భారతీయుడు 2 సినిమాకు మొదటి షో నుంచే నెగెటివ్ టాక్ వచ్చింది. మొదటి పార్ట్ మ్యాజిక్ ను కొనసాగించలేక చతికిలపడింది. భారీ తారాగణం, ఆకట్టుకునే యాక్షన్ సీక్వెన్స్, విజువల్స్ ఉన్నప్పటికీ నీరసమైన కథా, కథనాలు భారతీయుడు 2 సినిమాను దెబ్బ తీశాయని రివ్యూలు వచ్చేశాయి. అయితే తమిళంలో ఈ సినిమాకు భారీగానే వసూళ్లు వచ్చాయి. కానీ తెలుగుతో సహా ఇతర భాషల్లోనూ భారతీయుడు 2 సినిమా డిజాస్టర్ గా నిలిచింది. ప్లాఫ్ టాక్ రావడంతో చాలామంది ఓటీటీలో ఈ సినిమాను చూద్దామని ఫిక్స్ అయ్యారు. ఇప్పుడు వారి కోసమే భారతీయుడు 2 సినిమా అఫీషియల్ స్ట్రీమింగ్ డేట్ వచ్చేసింది. ప్రముఖ ఓటీటీ ప్లాట్ ఫామ్ నెట్ ఫ్లిక్స్ ఇండియన్ 2 సినిమా డిజిటల్ స్ట్రీమింగ్ హక్కులను సొంతం చేసుకుంది. ఈ నేపథ్యంలో ఆగస్టు 9 నుంచి కమల్ సినిమాను ఓటీటీలోకి తీసుకురానున్నారు. తమిళ్ తో పాటు తెలుగు, కన్నడ, మలయాళ భాషల్లోనూ భారతీయుడు 2 సినిమా స్ట్రీమింగ్ కు అందుబాటులోకి రానుంది. ఈ విషయాన్ని సోషల్ మీడియా ద్వారా అధికారికంగా ప్రకటించింది నెట్ ఫ్లిక్స్. అలాగే సినిమాకు సంబంధించి ఒక కొత్త పోస్టర్ ను విడుదల చేసింది.
ప్రతిష్ఠాత్మక లైకా ప్రొడక్షన్స్ బ్యానర్ పై సుభాస్కరన్ సుమారు రూ. 250 కోట్లతో భారతీయుడు 2 సినిమాను నిర్మించారని టాక్. అయితే ఓవరాల్ గా ఈ సినిమా రూ.130 కోట్లను మాత్రమే రాబట్టిందని సమాచారం.మొదట ఈ సినిమాను స్వాతంత్ర్య దినోత్సవం కానుకగా ఆగస్టు 15న ఓటీటీలోకి తీసుకురానున్నట్లు వార్తలు వచ్చాయి. అయితే థియేటర్లలో పెద్దగా రెస్పాన్స్ లేకపోవడంతో ఇప్పుడీ తేదీ మార్చారు. ఒక వారం ముందుగానే స్ట్రీమింగ్ కు తీసుకొచ్చారు. ఈ సినిమాకు అనిరుధ్ రవిచందర్ స్వరాలు సమకూర్చారు.
నెట్ ఫ్లిక్స్ లో స్ట్రీమింగ్..
Thatha varaaru, kadhara vida poraaru 🔥#Indian2 is coming to Netflix on 9 August in Tamil, Telugu, Malayalam and Kannada!#Indian2OnNetflix pic.twitter.com/cJN0JWaprp
— Netflix India South (@Netflix_INSouth) August 4, 2024
మరిన్ని సినిమా వార్తల కోసం ఇక్కడ క్లిక్ చేయండి.