Akhanda 2 OTT: బాలయ్య ఫ్యాన్స్‌కు బిగ్‌ షాక్.. సంక్రాంతికి అఖండ 2 ఓటీటీ రిలీజ్ లేనట్టే! కారణమిదే

Balakrishna Akhanda 2 Thandavam Movie

నందమూరి బాలకృష్ణ హీరోగా నటించిన లేటెస్ట్ సినిమా ‘అఖండ 2: తాండవం’. గతంలో వచ్చిన సూపర్ హిట్ సినిమా అఖండ కు సీక్వెల్ గా ఇది తెరకెక్కింది. బోయపాటి శీను తెరకెక్కించిన అఖండ 2 డిసెంబర్ 12న పాన్ ఇండియా రేంజ్ లో భారీ స్థాయిలో విడుదలైంది. భక్తి, యాక్షన్ మేళవింపుతో తెరకెక్కిన ఈమూవీ బాలయ్య అభిమానులను బాగానే ఆకట్టుకుంది. సనాతన ధర్మం, హిందూ మతం, ఆధ్యాత్మికతకు సంబంధించిన అంశాలు ఉండడంతో సామాన్య ప్రేక్షకులు కూడా ఈ సినిమాపై ఇంట్రెస్ట్ చూపించారు. పలువురు రాజకీయ నాయకులు, స్వామిజీలు కూడా అఖండ 2 సినిమాను చూసి చిత్ర బృందంపై ప్రశంసలు కురిపించారు. ట్రేడ్ నిపుణుల అంచనాల ప్రకారం అఖండ 2 సినిమా రూ. 120 కోట్లకు పైగా కలెక్షన్లు సాధించిందిని తెలుస్తోంది. కాగా థియేటర్లలో సూపర్ హిట్ గా నిలిచిన ఈ డివోషనల్ యాక్షన్ థ్రిల్లర్ మూవీని ఓటీటీలోనూ చూడాలని చాలా మంది ఎదురు చూస్తున్నారు. ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకుంది.

సంక్రాంతి కానుకగా జనవరి 09 నుంచి అఖండ సినిమాను స్ట్రీమింగ్ కు తీసుకురానున్నట్లు నెట్ ఫ్లిక్స్ యాప్‌లో పేర్కొంది. అప్‌కమింగ్‌ చిత్రాల జాబితాలో కూడా ఈ సినిమాను చేర్చింది. దీంతో బాలయ్య ఫ్యాన్స్ ఖుషీ అయ్యారు. అయితే ఇప్పుడు నెట్‌ఫ్లిక్స్‌ భారీ ట్విస్ట్‌ ఇచ్చింది. నెట్‌ఫ్లిక్స్ క్యాటలాగ్‌లో కనిపించిన అఖండ 2 టైటిల్ అకస్మాత్తుగా తీసేశారు. ముందుగా ఉన్న లింక్ కూడా ఇప్పుడు ఓపెన్ కావడం లేదు. దీంతో ఓటీటీ విడుదల వాయిదా పడిందా? లేదా క్యాన్సిల్ అయ్యిందా? అన్న సందేహాలు మొదలయ్యాయి.

నెట్ ఫ్లిక్స్ యాప్ లో మాయమైన అఖండ 2 పోస్టర్..

అయితే ఇప్పటివరకు అఖండ-2 స్ట్రీమింగ్‌ వివరాలను నెట్‌ఫ్లిక్స్‌ ప్రకటించలేదు. త్వరలో అధికారికంగా మరో కొత్త తేదీని ఎంపిక చేసుకుని అధికారికంగా వివరాలు ప్రకటించే ఛాన్స్‌ ఉంది.

మరిన్ని సినిమా వార్తల కోసం ఇక్కడ క్లిక్ చేయండి