ఆదాయం వివరాలు వెల్లడించిన ప్రముఖ కమెడియన్.. ఎక్కడ పోగుట్టుకున్నానో అక్కడే సంపాదించానని..

ఉభయ రాష్ట్రాల్లో హైపర్ ఆది పేరు చెబితే చాలు వెంటనే పెదాలపై చిరునవ్వు చిగురిస్తుంది. చాలా తక్కువ సమయంలో ఎక్కువ క్రెడిబిలిటి సంపాదించిన కమెడియన్‌గా గుర్తింపు సంపాదించారు ఈయన. టీవీ షోల ద్వారా పాప్‌లర్ అయిన ఆది ఇటీవల సినిమాల్లో కూడా ఎంట్రీ ఇచ్చాడు. అయితే తను ఇండస్ట్రీకి వచ్చిన తర్వాత సంపాదన గురించి ఇటీవల ఓ షోలో మాట్లాడాడు.

ఇండస్ట్రీకి రాకముందు సాఫ్ట్ వేర్ ఇంజనీర్‌గా పని చేసేవాడినని కానీ రైటింగ్ సైడ్ వెళ్లి కొన్ని సంస్థలకు పని చేశానని తెలిపాడు. ఆ తర్వాత అభి పరిచయంతో జబర్దస్త్‌లోకి ఎంట్రీ ఇచ్చి కొన్ని ఎపిసోడ్స్ తర్వాత హైపర్ ఆదిగా మారానని బదులిచ్చాడు. జబర్దస్త్‌కు రాకముందు తమ కుటుంబ పరిస్థితి దారుణంగా ఉండేదని, తమది మధ్యతరగతి కుటుంబం అని చెప్పాడు. తన ఇద్దరు అన్నయ్యల చదువు కోసం తండ్రి ఆస్తులు అన్నీ అమ్మేసాడని.. చేతిలో చిల్లిగవ్వ లేకుండా ఉన్నామని గుర్తు చేసుకున్నాడు. తమకు ఊళ్ళో 3 ఎకరాల పొలం ఉండేదని.. దాన్ని కూడా తమ కోసమే నాన్న అమ్మేసాడని చెప్పాడు. ఇండస్ట్రీ దయతోనే ఎక్కడైతే తన ఆస్తులు పోయాయో అక్కడే తిరిగి సంపాదించుకున్నానని తెలిపాడు. ఊళ్ళో నాన్న అమ్మేసిన 3 ఎకరాల స్థలం స్థానంలో ఇప్పుడు 10 ఎకరాలు కొన్నానని చెప్పాడు. అంతేకాదు తన సొంతూళ్లో పెద్ద ఇల్లు కూడా ఉందని ప్రస్తుతానికి ఇలా ఉంటే సరిపోతుందని చమత్కరించారు.