Rayavalasa : రాయవలస సినిమా రిలీజ్ డేట్ ఫిక్స్.. హీరోగా వస్తోన్న కార్తిక్ జయంతి..
కార్తిక్ జయంతి హీరోగా పరిచయమౌతున్న యాక్షన్ ఎంటర్టైనర్ ‘రాయవలస’. రాధిక జయంతి దర్శకత్వం వహిస్తున్నారు. రాయసున్ ప్రొడక్షన్స్ పై గోపీ కృష్ణ జె నిర్మిస్తున్నారు. ఇప్పటికే విడుదలైన టీజర్ సినిమాపై అంచనాలు పెంచింది. డెబ్యూ హీరో అయినప్పటికీ కార్తిక్ జయంతి పవర్ఫుల్, ఇంటెన్స్ లుక్తో అందరి దృష్టిని ఆకట్టుకున్నారు.
టాలీవుడ్ బాక్సాఫీస్ వద్ద మరో పక్కా మాస్ యాక్షన్ ఎంటర్టైనర్ సంచలనం సృష్టించేందుకు సిద్ధమవుతోంది. నూతన నటుడు కార్తిక్ జయంతి కథానాయకుడిగా పరిచయమవుతున్న చిత్రం ‘రాయవలస’ (Rayavalasa). ఇప్పటికే విడుదలైన టీజర్తో మంచి అంచనాలను పెంచేసిన ఈ చిత్ర బృందం, తాజాగా ఒక శక్తివంతమైన పోస్టర్ను విడుదల చేస్తూ సినిమా రిలీజ్ డేట్ను అధికారికంగా ప్రకటించింది. విడుదల తేదీని వెల్లడిస్తూ మేకర్స్ వదిలిన పోస్టర్ నెటిజన్లను ఎంతగానో ఆకట్టుకుంటోంది. ఇందులో హీరో కార్తిక్ జయంతి చేతిలో త్రిశూలం పట్టుకుని అమ్మవారి విగ్రహం ముందు నిలబడి ఉన్న లుక్ అత్యంత పవర్ఫుల్గా, ఆధ్యాత్మిక మరియు మాస్ ఎలిమెంట్స్ కలయికగా ఉంది. ఈ చిత్రానికి ఒక ప్రత్యేకత ఉంది. హీరో కార్తిక్ జయంతిని కథానాయకుడిగా పరిచయం.. ఆయన తల్లి రాధిక జయంతి ఈ చిత్రానికి దర్శకత్వం వహిస్తున్నారు. రేసన్ ప్రొడక్షన్స్ పతాకంపై గోపీకృష్ణ జె ఈ చిత్రాన్ని నిర్మిస్తున్నారు.
ఎక్కువ మంది చదివినవి : Cinema OTT: నిజమైన కథతో వచ్చిన 8 ఎపిసోడ్స్ సిరీస్.. 60 దేశాలలో నంబర్ వన్.. ఒక్కసారి చూస్తే అస్సలు వదలరు..
రాయలసీమ నేపథ్యంతో కూడిన వైల్డ్ అండ్ ఎమోషనల్ యాక్షన్ డ్రామాగా తెరకెక్కిన ఈ ‘రాయవలస’ చిత్రాన్ని నవంబర్ 20న ప్రపంచవ్యాప్తంగా థియేటర్లలో విడుదల చేయనున్నట్లు మేకర్స్ ప్రకటించారు. డెబ్యూ హీరో అయినా కార్తిక్ మాస్ లుక్స్, పవర్ఫుల్ యాక్షన్ ఎలిమెంట్స్ సినిమాపై ఆసక్తిని పెంచుతున్నాయి.
ఎక్కువ మంది చదివినవి : Roja: ఆ హీరో అంటే చాలా ఇష్టం.. ఆయనతో చాలా సినిమాలు చేశా.. హీరోయిన్ రోజా..
ఈ చిత్రంలో శ్రీష నులు హీరోయిన్ గా నటిస్తోంది. అన్నపూర్ణమ్మ, అనిత చౌదరి, జయప్రకాశ్, రవి వర్మ, కాశీ విశ్వనాథ్ వంటి సీనియర్ నటులతో పాటు త్రినాధ్ రావు, సుహాస్, కంచరపాలెం రాజు ఈ చిత్రంలో కీలక పాత్రలు పోషిస్తున్నారు. ఈ చిత్రానికి అర్జున్ బాలా సంగీతం ప్రధాన ఆకర్షణగా నిలుస్తోంది. పూర్ణ చారి, కార్తిక్ జయంతి, తరుణ్ సైదులు లిరిక్స్ అందించగా, రాహుల్ సిప్లిగంజ్, ధనుంజయ్, రోహిత్ పరిటాల, రమ్య బెహరా, సాహితి చాగంటి, సౌజన్య భగవతుల, వాగ్దేవి, అర్జున్, కార్తిక్ జయంతి వంటి ప్రముఖ గాయకులు పాటలను ఆలపించారు. భావోద్వేగం, యాక్షన్, సంగీతం కలగలిపిన కంప్లీట్ ఎంటర్టైనర్గా “రాయవలస” ప్రేక్షకులను అలరించనుంది.
ఎక్కువ మంది చదివినవి : ఆ హీరోయిన్ అంటే చాలా ఇష్టం.. ఆమె నుదుటన సూది మొనంత ప్రేమ రాయలేదు ఆ దేవుడు..
ఎక్కువ మంది చదివినవి : Trending Song : ఏముంది రా బాబూ పాట.. 2 రోజులుగా యూట్యూబ్ను ఊపేస్తున్న ఫోక్ సాంగ్.. డీజేలో మోత మోగిపోద్ది..