హైదరాబాద్: సీనియర్ హీరో రాజశేఖర్ ప్రధాన పాత్రలో నటిస్తున్న చిత్రం ‘కల్కి’. ‘గరుడ వేగ’ విజయంతో రాజశేఖర్ ఇప్పుడు పుల్ ఫామ్లో ఉన్నారు. మంచి స్రిప్ట్స్ ఎన్నుకుంటూ ముందుకు వెళ్తున్నారు. ఆ నేపథ్యంలో చేసిన సినిమానే ‘కల్కి’. ప్రశాంత్ వర్మ ఈ మూవీకి దర్శకత్వం వహిస్తున్నారు. ఈ చిత్ర ట్రైలర్ను నేచురల్ స్టార్ నాని ట్విటర్ వేదికగా విడుదల చేశారు. ‘పార్ధా.. కర్మలను ఆచరించుటయెందే నీకు అధికారము కలదు కానీ వాటి ఫలితము పైన లేదు. నీవు కర్మఫలమునకు కారణం కారాదు. అలాగని కర్మలు చేయుట మానరాదు’ అంటూ ఓ సాధువు రాజశేఖర్తో చెబుతున్న డైలాగ్తో ట్రైలర్ మొదలైంది. ఈ మాటలు విని.. ‘ఏం సెప్తిరి ఏం సెప్తిరి. ఎప్పుడూ ఇలాగే సెప్తారా..’ అని వెటకారంగా అనడం నవ్వులు పూయిస్తోంది. ఇందులో రాజశేఖర్ పోలీసు పాత్రలో నటిస్తున్నారు. తప్పులు చేసిన వాడు కర్మల నుంచి తప్పించుకోవడం అసాధ్యం అన్న కాన్సెప్ట్తో ఈ సినిమాను తెరకెక్కించినట్లు తెలుస్తోంది. అదా శర్మ ఇందులో కథానాయికగా నటించారు. శివానీ శివాత్మిక మూవీస్ బ్యానర్పై సి. కల్యాణ్, రాజశేఖర్ కుమార్తెలు సంయుక్తంగా నిర్మిస్తున్నారు. త్వరలో సినిమాను ప్రేక్షకుల ముందుకు తీసుకురానున్నారు. ఇప్పటికే షూటింగ్ దాదాపు పూర్తయింది. ప్రస్తుతం పోస్ట్ ప్రొడక్షన్ వర్క్స్ వేగంగా జరుగుతున్నాయి. 1983 నేపథ్యంలో తెరకెక్కుతుంది ఈ చిత్రం.
Big Thankss from Team Kalki and me for launching our Commercial Trailer
Nani Garu??
We love you! @NameisNani https://t.co/nTxndtHWH4— Dr.Rajasekhar (@ActorRajasekhar) May 9, 2019