‘వెంకీ మామ’ చిత్రంలో సమంత..?

వెంకటేష్, నాగ చైతన్య ప్రధాన పాత్రల్లో దర్శకుడు బాబీ తెరకెక్కిస్తున్న చిత్రం ‘వెంకీ మామ’. ఈ సినిమా షూటింగ్ ప్రస్తుతం కాశ్మీర్‌లో జరుగుతోంది. పాయల్ రాజ్‌పుత్, రాశి ఖన్నా ఈ సినిమాలో హీరోయిన్లుగా నటిస్తున్నారు. ఇది ఇలా ఉండగా ఈ సినిమా గురించి ఓ వార్త ఇప్పుడు సోషల్ మీడియాలో వైరల్ అవుతోంది.

తాజా సమాచారం ప్రకారం ఈ సినిమలో స్టార్ హీరోయిన్ సమంతా ఓ కీలక పాత్రలో కనిపించనుందని వార్తలు వినబడుతున్నాయి. దానికి తగ్గట్టుగా ‘మన్మధుడు 2’ షూటింగ్ పూర్తి చేసుకుని.. సమంత సరాసరి తన పర్సనల్ మేకప్ మెన్, డిజైనర్‌తో కాశ్మీర్‌లో వాలిపోవడంతో ఈ వార్తకు బలం చేకూరాయి. ఏది ఏమైనా సమంత.. అక్కినేని ఫ్యామిలీకి లక్కీ ఛార్మ్‌గా మారింది. ‘మనం’, ‘మజిలీ’ సినిమాలు హిట్ అవడంతో నాగార్జున.. సమంతతో ‘మన్మధుడు 2’లో స్పెషల్ క్యామియో రోల్ చేసింది. మరి ఇంతకీ ‘వెంకీ మామ’ సినిమాలో సమంత నటిస్తోందో లేదో తెలియాలంటే అధికారిక ప్రకటన వరకు వేచి ఉండాల్సిందే.!