గోపిచంద్ మంచి మనసు.. ఆర్థిక ఇబ్బందుల్లో ఉన్న అభిమానిని ఆదుకున్న రియల్ హీరో..

లాక్‏డౌన్ సమయంలో హీరోగా మారీ సోన్‏సూద్ చేసిన సహయాలను చాలా మంది హీరోలు ఆదర్శంగా తీసుకుంటున్నారు. అదే కోవలోకి టాలీవుడ్ హీరో గోపచంద్ చేరారు. కరోనా వైరస్ కారణంగా ఆర్థిక ఇబ్బందులతో బాధపడుతున్న తన అభిమానికి సహయం చేసి తన మానవత్వాన్ని చాటుకున్నారు.

టాలీవుడ్ హీరో గోపిచంద్ మరోసారి తన మంచి మనసు చాటుకున్నాడు. కరీంనగర్‏కు చెందిన ఓ యువకుడు గోపిచంద్‏కు వీరాభిమాని. ఇటీవల అతడికి కరోనా సోకడంతో చికిత్స కోసం భారీగా అప్పులు చేసాడు. ఆర్థిక ఇబ్బందులతో బాధపడుతున్న అభిమాని గురించి తెలియగానే గోపిచంద్ వెంటనే రూ.2 లక్షల చెక్ పంపించారట. తన అభిమాన హీరో చేసిన ఆర్థిక సాయంతో ఆటో కొనుక్కుని కుటుంబాన్ని పోషించుకుంటున్నాడు. అభిమానికి గోపిచంద్ సాయం చేసిన విషయం ఆయన టీం రహస్యంగా ఉంచినా.. సాయం పొందిన వ్యక్తి అందరికీ చెప్పడంతో ప్రస్తుతం ఈ వార్త బయటకు వచ్చింది. ఆర్థిక ఇబ్బందులలో ఉన్న అభిమానికి సహయం చేసి ఆ విషయాన్ని ప్రచారం చేసుకోకపోవడంతో గోపిచంద్ మరోసారి రియల్ హీరో అనిపించుకుంటున్నాడు. ప్రస్తుతం గోపీచంద్ సంపత్ నంది దర్శకత్వంలో సిటిమార్ అనే సినిమా చేస్తున్నాడు. ఈ సినిమాలో తమన్నా హీరోయిన్‏గా నటిస్తుండగా, కరోనా కారణంగా వాయిదా పడిన ఈ మూవీ షూటింగ్ ఇటీవలే తిరిగి ప్రారంభమయ్యింది. కబడ్డి బ్యాక్ గ్రౌండ్ లో రాబోతున్న ఈ చిత్రాన్ని తర్వలోనే ప్రేక్షకుల ముందుకు తీసుకురావడానికి చిత్రయూనిట్ సన్నాహాలు చేస్తుంది.