ఈ స్టార్ హీరోను గుర్తుపట్టారా..? ఆయనేంటి ఇలా అయ్యారు..?

ఈ ఫొటోలో ఉన్న స్టార్ హీరోను గుర్తుపట్టారా..? కొంచెం నిశితంగా పరిశీలించండి.. అయినా గుర్తు పట్టలేకపోతున్నారా..? అయితే ఒక క్ల్యూ. భారతీయ సినీ చరిత్రలో ఆయనకు ప్రత్యేక స్థానం ఉంటుంది. ఇప్పటికైనా గుర్తొచ్చారా..? ఓకే.. ఆయనెవరో మేమే చెప్పేస్తాం. ఆయనెవరంటే మన బిగ్‌బీ అమితాబ్ బచ్చన్. నిజంగానే ఆయన అమితాబ్. ఆయుష్మాన్ హీరోగా సుజీత్ సిర్కార్ ‘గులాబో సితాబో’ అనే చిత్రాన్ని తెరకెక్కిస్తోన్న విషయం తెలిసిందే. అందులో అమితాబ్ కీలక పాత్రలో కనిపించనున్నారు. ప్రస్తుతం ఈ మూవీ షూటింగ్ శరవేగంగా జరుగుతుండగా.. అందులో అమితాబ్‌కు చెందిన ఈ లుక్‌ బయటికొచ్చింది. ఇక ఈ ఫొటోలో మన అమితాబ్‌ను గుర్తుపట్టడం చాలా కష్టమే. ఈ సినిమాలో ఇంతవరకు నటించని పాత్రలో అమితాబ్ నటిస్తున్నారు. కాగా ఈ మూవీ వచ్చే ఏడాది ఏప్రిల్ 24న ప్రేక్షకుల ముందుకు రానుంది.