సీరియల్ షూటింగ్లో అగ్ని ప్రమాదం
గత నెల నుంచే పలు భాషల్లో సీరియళ్ల షూటింగ్లు ప్రారంభమైన విషయం తెలిసిందే. కరోనా నిబంధనలను పాటిస్తూ బుల్లితెర నటీనటులు షూటింగ్లలో పాల్గొంటున్నారు.
గత నెల నుంచే పలు భాషల్లో సీరియళ్ల షూటింగ్లు ప్రారంభమైన విషయం తెలిసిందే. కరోనా నిబంధనలను పాటిస్తూ బుల్లితెర నటీనటులు షూటింగ్లలో పాల్గొంటున్నారు. కాగా ఇటీవల ఓ హిందీ సీరియల్ షూటింగ్లో అగ్నిప్రమాదం జరిగింది. ముంబయిలోని చందీవాలీలో ఉన్న కిల్లిక్ నిక్సన్ స్టూడియోలో కుంకుమ్ భాగ్య సీరియల్ షూటింగ్లో శనివారం అగ్ని ప్రమాదం చోటుచేసుకుంది. వెంటనే అప్రమత్తమైన రెస్క్యూ సిబ్బంది సీరియల్ టీమ్ను కాపాడారు. అదృష్టవశాత్తు ఈ ప్రమాదంలో ఎవ్వరికీ ఎలాంటి ప్రాణ నష్టం జరగలేదు.
ఈ సంఘటనపై సీరియల్ నిర్మాతలు ఓ ప్రకటనను విడుదల చేశారు. అందులో ”టాలెంట్, ప్రొడక్షన్ సభ్యులు, ఉద్యోగులను కాపాడుకోవడమే మా మొదటి ప్రాధాన్యత. నిబంధనలకు అనుగుణంగా అన్ని ముందు జాగ్రత్తలను తీసుకుంటాం. ఇకపై కూడా అన్ని జాగ్రత్తలను తీసుకుంటాం” అని వెల్లడించింది. కాగా రవీంద్ర గౌతమ్ దర్శకత్వం వహిస్తున్న ఈ సీరియల్ని ఏక్తా కపూర్ నిర్మిస్తున్నారు. స్రితి జా షాబ్బీర్ అహ్లూవాలియా, పూజా బెనర్జీ ప్రధాన పాత్రలో నటిస్తున్నారు. హిందీలో బాగా ఆదరణ పొందుతున్న సీరియల్లో ‘కుంకుమ్ భాగ్య’ కూడా ఒకటి.