Shilpa Shetty: రాజ్‌కుంద్రా పోర్న్ వీడియోల కేసుపై స్పందించిన శిల్పాశెట్టి.. పోలీసులకు ఇచ్చిన స్టేట్‌మెంట్‌లో..
Shilpa Shetty: సినిమాల్లో నటించాలని ముంబయికి వచ్చిన ఔత్సాహికుల యువతులను బలవంతంగా పోర్న్ వీడియోల్లో నటింపజేసి.. ఆ వీడియోలను ఓటీటీ యాప్‌లలో విడుదల చేశారన్న..
Updated on: Sep 16, 2021 | 5:36 PM
Shilpa Shetty: సినిమాల్లో నటించాలని ముంబయికి వచ్చిన ఔత్సాహికుల యువతులను బలవంతంగా పోర్న్ వీడియోల్లో నటింపజేసి.. ఆ వీడియోలను ఓటీటీ యాప్‌లలో విడుదల చేశారన్న అభియోగాలతో రాజ్‌కుంద్రాపై కేసు నమోదైన విషయం తెలిసిందే. ఈ విషయం బాలీవుడ్‌లో పెను సంచలనాన్ని సృష్టించింది. దీంతో ముంబయి పోలీసులు ఈ కేసును ఛాలెంజింత్‌గా తీసుకొని విచారణ చేపట్టారు. ఇప్పటికే దీనిపై పలువురిని విచారించారు. ఇందులో భాగంగా తాజాగా ముంబయిల పోలీసులు బుధవారం కోర్టులో ఛార్జిషీటును అందజేశారు. పోర్న్ వీడియోల ద్వారా రాజ్‌కుంద్రా పెద్ద ఎత్తున ఆర్జించినట్లు పేర్కొన్నారు.
ఇదిలా ఉంటే ఈ కేసులో ముంబయి పోలీసులు రాజ్‌కుంద్రా భార్య, నటీమణి శిల్పాశెట్టిని కూడా కూడా సాక్షిగా చార్జ్‌షీట్‌లో చేర్చారు. దీనిపై ఆమె స్టేట్‌మెంట్‌ను కూడా రికార్డు చేశారు. ఈ కేసు విషయమై శిల్పా శెట్టి మాట్లాడుతూ.. ‘నేను నా పనుల్లో చాలా బిజీగా ఉండేదానిని. అసలు రాజ్‌కుంద్రా ఏం చేస్తుండేవాడో కూడా తెలియదు. ఆ విషయం గురించి ఎప్పుడూ పట్టించుకోకపోయేదాన్ని. నాకు హాట్‌షాట్స్‌, బాలీఫేమ్‌ యాప్స్‌ గురించి అసలు తెలియదు’అని శిల్పా చెప్పుకొచ్చినట్లు పోలీసులు తమ చార్జ్‌ షీట్‌లో పేర్కొన్నారు.
ఇక ఈ పోర్న్ రాకెట్‌ను న‌డిపించ‌డానికి రాజ్‌కుంద్రా.. వియాన్ ఇండ‌స్ట్రీస్ లిమిటెడ్ ప‌రిస‌రాల‌ను ఉప‌యోగించుకున్నట్లు చార్జ్‌షీట్‌లో వెల్లడించారు. ఈ పోర్న్‌రాకెట్ కేసులో జులై 19న పోలీసులు రాజ్‌కుంద్రాను పోలీసులు అరెస్ట్ చేసిన విషయం తెలిసిందే.
Sai Dharam Tej: అపోలో ఆసుపత్రికి అల్లు అర్జున్.. సాయి ధరమ్ తేజ్ను పరామర్శించిన బన్నీ..
