Kareena Kapoor: బాయ్ కాట్ ట్రెండ్ పై స్పందించిన బాలీవుడ్ బ్యూటీ.. ఇది మంచిది కాదంటున్న కరీనా
బాలీవుడ్ బ్యూటీ కరీనా కపూర్ కూడా ఈ విషయం పై స్పందించింది. బాలీవుడ్ సినిమాలకు ఇది మంచి పరిణామం కాదు అని ఆమె అభిప్రాయపడింది.
Updated on: Jan 23, 2023 | 9:54 AM
ఇటీవల బాలీవుడ్ లో బాయ్ కాట్ అనే నినాదం ఎక్కువగా వినిపిస్తోంది. ఏ సినిమా రిలీజ్ అవుతున్నా.. బాయ్ కాట్ అంటూ సోషల్ మీడియాలో పోస్ట్ లు వైరల్ అవుతున్నాయి. ఇప్పటికే చాలా సినిమాల పై ఈ ప్రభావం పడింది. చిన్న సినిమా పెద్ద సినిమా అని లేకుండా అన్ని సినిమాలకు ఈ బాయ్ కాట్ సెగ తగులుతోంది. ఈ మధ్య కాలంలో బాలీవుడ్ లో హిట్ రేషియో చాలా తక్కువ అయ్యింది. పెద్ద సినిమాలు కూడా ప్రేక్షకులను ఆకట్టుకోలేక డిజాస్టర్స్ గా నిలుస్తున్నాయి. ఎన్నో అంచనాలు పెట్టుకున్న అమీర్ ఖాన్ లాల్ సింగ్ చడ్డా సినిమా దారుణంగా డిజాస్టర్ గా నిలిచింది. రీసెంట్ గా వచ్చిన రణవీర్ సింగ్ సర్కస్ సినిమా కూడా అంతే.. వీటి పరాజయాల వెనక బాయ్ కాట్ ప్రభావం కూడా ఉందంటున్నారు విశ్లేషకులు.. ఇప్పటికే పలువురు సినిమా తారలు బాయ్ కాట్ పై ఆవేదన వ్యక్తం చేశారు.
తాజాగా బాలీవుడ్ బ్యూటీ కరీనా కపూర్ కూడా ఈ విషయం పై స్పందించింది. బాలీవుడ్ సినిమాలకు ఇది మంచి పరిణామం కాదు అని ఆమె అభిప్రాయపడింది. బాయ్ కాట్ ట్రెండ్ సినీ పరిశ్రమకు మంచిది కాదని.. దీంతో తాను ఏకీభవించననిచెప్పుకొచ్చింది. బాయ్ కాట్ ట్రెండ్ ఇలాగే కొనసాగితే ప్రేక్షకులను తాము ఎలా ఎంటర్టైన్ చేయగలమని ప్రశ్నించింది. సినిమాలే లేకపోతే మీకు వినోదం ఎక్కడి నుంచి వస్తుందని అంటోంది కరీనా..
అయితే షారుఖాన్ నటిస్తున్న పఠాన్ సినిమా త్వరలో ప్రేక్షకుల ముందుకు రానుంది. ఈ నేపథ్యంలో మరోసారి బాయ్ కాట్ ట్రెండ్ మొదలైంది. ఈ మూవీలోని బేషరమ్ సాంగ్ పై పెద్ద ఎత్తున విమర్శలు వచ్చిన విషయం తెలిసిందే. దాంతో ఈ సినిమాను బాయ్ కాట్ చేయాలనీ సోషల్ మీడియాలో పోస్ట్లు పెడుతున్నారు కొందరు. ఈ నేపథ్యంలో కరీనా చేసిన వ్యాఖ్యలు ఆసక్తికర చర్చకు దారితీశాయి.
