Adipurush: మళ్ళీ వివాదంలో ఆదిపురుష్ పోస్టర్.. హాలీవుడ్ మూవీ పోస్టర్‌ని కాపీ చేసి ఎడిట్ చేయడం మరచిపోయారంటూ కామెంట్స్..

Adipurush

యంగ్ రెబల్ స్టార్ ప్రభాస్ రాముడిగా ఓం రౌత్ దర్శకత్వంలో తెరకెక్కుతున్న చిత్రం ఆదిపురుష్ విడుదలకు ముందే వివాదాల్లో చిక్కుకుంది. ముందుగా సినిమాలోని పాత్రల లుక్స్ విషయంలో వివాదం చెలరేగగా..  ట్రైలర్ విడుదలైన తర్వాత అందులోని సన్నివేశాల విషయంలో వివాదం నెలకొంది. ట్రైలర్ విడుదలైనప్పటి నుండి.. అభిమానుల సహా పలువురు ఆదిపురుష్ లోని తప్పులు వెతుకుతూనే ఉన్నారు. ఇప్పుడు ట్రైలర్‌లోని సన్నివేశాలను షేర్ చేసి మరీ.. సినిమా చిత్రీకరణలోని లోటుపాట్లు చెబుతున్నారు. తాజాగా హనుమంతుడు ఎగురుతున్న ఫోటో వైరల్‌గా మారింది.. అయితే ఆ పోస్టర్ లో అపార్ట్మెంట్స్ భవనాలు కనిపిస్తున్నాయి.

రామాయణ కాలంలో ఎంత ఎత్తైన భవనాలను కూడా నిర్మించారా అంటూ ఆదిపురుష ట్రైలర్‌ని చూసి అభిమానులు ఆశ్చర్యపోతున్నారు. ఈ విషయాన్ని అభిమానులు ఏమాత్రం జీర్ణించుకోలేకపోతున్నారు.  ట్రైలర్‌లో చూపించిన ఓ సన్నివేశంలో హనుమంతుడు ఎగురుతున్నప్పుడు అతని పక్కన నిలబడి ఉన్న ఎత్తైన భవనాలు కనిపిస్తాయి. రామాయణ కాలం ప్రకారం ఆ సన్నివేశంలో లాజికల్‌గా అనిపించదు. దీనిపై అభిమానులు భిన్నమైన అభిప్రాయాలను వ్యక్తం చేస్తున్నారు.

ఒక నెటిజన్ స్పందిస్తూ.. ఇది ఆధునిక రామాయణం. ఇంకొకరు.. ఎక్కడ నుంచి ఇలాంటి ఆలోచనలు చేశారో తెలియదని కామెంట్ చేస్తే.. మరొకరు.. హాలీవుడ్ సినిమా పోస్టర్‌ని కాపీ చేసి ఎడిట్ చేయడం మర్చిపోయారంటూ వ్యంగ్యంగా వ్యాఖ్యానించారు. మరో వ్యక్తి  కామెంట్ చేస్తూ.. ఈ అంశంలో చాలా సరదా విషయం ఏమిటంటే.. సినిమా బడ్జెట్ 600 కోట్లని గుర్తు చేసుకున్నారు. ఒక వినియోగదారు అది రావణుడి అపార్ట్‌మెంట్ కావచ్చని ఫన్నీ కామెంట్ చేశారు.

సినిమా విడుదల కోసం ఎదురుచూస్తున్న ప్రేక్షకులు 

ఈ చిత్రం గురించి మాట్లాడుతూ టీజర్ విడుదలైనప్పుడు ఆదిపురుష్ గురించి చాలా రచ్చ జరిగింది. అయితే ఆ అంశాలన్నీ సినిమా ట్రైలర్‌లో లేకపోవడంతో చర్చ మొదలైంది. ఇప్పుడు సినిమా విడుదల కోసం అభిమానులు ఎదురుచూస్తున్నారు. నిజానికి ఈ సినిమా ట్రైలర్‌లో కచ్చితంగా ఏదో దాగుంది కాబట్టి నిరసనలు తప్పవని అభిమానులు నమ్ముతున్నారు. ఇప్పుడు అందరూ జూన్ 16, 2023 కోసం ఎదురుచూస్తున్నారు.

మరిన్ని ఎంటర్టైన్‌మెంట్ వార్తల కోసం ఇక్కడ క్లిక్ చేయండి..