సంక్రాంతికి సందడి చేయనున్న బెల్లంకొండ శ్రీనివాస్.. ‘అల్లుడు అదుర్స్’ అనిపిస్తాడా..?

బెల్లంకొండ సాయి శ్రీనివాస్ తాజాగా నటిస్తున్న సినిమా అల్లుడు అదుర్స్. కందిరీగ ఫేమ్ సంతోష్ శ్రీనివాస్ ఈ చిత్రాన్ని తెరకెక్కించారు. ఈ సినిమాలో నభా నటేష్, అను ఇమ్మాన్యుయేల్ హీరోయిన్లుగా నటించారు. ఈ ఫ్యామిలీ ఎంటర్ టైనర్ ను సంక్రాంతి కానుకగా ప్రేక్షకుల ముందుకు తీసుకురానున్నారు చిత్రయూనిట్. అల్లుడు అదుర్స్ ను జనవరి 15న రిలీజ్ చేస్తున్నట్టు చిత్ర యూనిట్ ప్రకటించింది.

రాక్షసుడు వంటి హిట్ మూవీ తరువాత బెల్లంకొండ నుంచి వస్తున్న ఈ ప్రాజెక్ట్ పై మంచి అంచనాలే ఉన్నాయి. సుమంత్ మూవీ ప్రొడక్షన్స్ బ్యానర్పై గొర్రెల సుబ్రమణ్యం ఈ చిత్రాన్ని నిర్మిస్తున్నారు.  దేవి శ్రీప్రసాద్ సంగీతాన్ని అందిస్తున్నారు. ప్రకాష్ రాజ్, సోనూసూద్ ఈ సినిమాలో కీలక పాత్రల్లో నటిస్తున్నారు. ఇక బెల్లంకొండ తన మొదటి సినిమా ‘అల్లుడు శీను’ సినిమా టైటిల్ నుంచి అల్లుడుని తీసుకొని ‘అల్లుడు అదుర్స్’ అంటూ ప్రేక్షకుల ముందుకు రాబోతున్నాడు. మరి ఈ అల్లుడు సంక్రాంతి ఎలా సందడి చేస్తాడో చూడాలి. ఇప్పటికే సంక్రాంతి బరిలో రామ్ రెడ్, మాస్ రాజా క్రాక్, అఖిల్ మోస్ట్ ఎలిజిబుల్ బ్యాచిలర్, రానా అరణ్య ఇలా ఇంకొన్ని సినిమాలు ఉన్నాయి. మరి వీటిని తట్టుకొని అల్లుడు అదుర్స్ అనిపిస్తాడేమో చూడాలి.