వైఎస్సార్, చంద్రబాబు చెలిమిపై సినిమా !

A film on Chandrababu and YSR’s friendship : దివంగ‌త డాక్ట‌ర్ వైయ‌స్ రాజ‌శేఖ‌ర్ రెడ్డి, నారా చంద్ర‌బాబునాయుడు..విభిన్న పార్టీల నుంచి ఆంధ్ర‌ప్ర‌దేశ్ ముఖ్య‌మంత్రులుగా ప‌నిచేసి..త‌మ మార్క్ చాటుకున్నారు. వెనుక‌బ‌డిన రాయ‌ల‌‌సీమ నుంచి ఇంచుమించు ఒకే స‌మ‌యంలో రాజ‌కీయాల్లో అడుగుపెట్టిన ఈ ఇరువురు..రాష్ట్ర ముఖ్య‌మంత్రులుగా ప‌నిచేసి స‌త్తా చాటారు. పార్టీల సిద్దాంతాల ప‌రంగా వైరం ఉన్నా, ఇద్ద‌రి మ‌ధ్య మంచి మైత్రి కూడా ఉంది. చదువుకునే రోజుల నుంచి ఇద్ద‌రి మ‌ధ్య మంచి ఫ్రెండ్షిప్ ఉన్న‌ట్లు చాలామంది చెబుతుంటారు. అందుకే ఈ ఇద్ద‌రు నేత‌ల‌ స్నేహంపై ఓ సినిమా తెర‌కెక్క‌బోతున్న‌ట్లు స‌మాచారం. నూత‌న దర్శకుడు రాజ్ తెరకెక్కించనున్న ఈ మూవీని ఎన్టీఆర్ బయోపిక్ నిర్మించిన‌ విష్ణు వ‌ర్ధ‌న్ ఇందూరి నిర్మించ‌నున్నార‌ట‌. అలాగే తిరుమల రెడ్డి స‌హ నిర్మాత‌గా వ్య‌వ‌హ‌రిస్తున్న‌ట్లు తెలుస్తోంది.

ఇక రెండు భాగాలుగా రానున్న ఈ భారీ ప్రాజెక్ట్‌ను భారీ బ‌డ్జెట్‌తో నిర్మించినున్నార‌ట‌. ఇక చంద్రబాబు, వైఎస్సార్ ఇద్ద‌రు క‌లిసి పొలిటిక‌ల్ కెరీర్ ప్రారంభంలో కాంగ్రెస్ పార్టీ తరపున కలిసి పనిచేశారు. అప్పటి ముఖ్యమంత్రి టి. అంజయ్య గవర్నమెంట్‌లో చంద్రబాబు, వెఎస్సార్ ఇద్ద‌రు మంత్రులుగా ప‌నిచేశారు. బాబుకు మంత్రి పదవిరావడంలో దివంగ‌త వైఎస్సార్ కీలక పాత్ర పోషించార‌ని రాజ‌కీయ నిపుణులు చెబుతుంటారు.

Also Read : కోవిడ్ -19 వ్యాక్సిన్‌కు రష్యా ఆరోగ్య మంత్రిత్వ శాఖ ఆమోదం