UP Assembly Election 2022 Voting Phase 6: యూపీలో ముగిసిన ఆరో విడత పోలింగ్.. 53.31 శాతం పోలింగ్ నమోదు..

యూపీలో ముగిసిన పోలింగ్.. పలుచోట్ల ఈవీఎంలకు సీల్ వేసిన అధికారులు..

యూపీలో 6వ దశ ఎన్నికల పోలింగ్ ముగిసింది. నేడు రాష్ట్రంలోని 10 జిల్లాల్లో పోలింగ్ జరుగగా.. సాయంత్రం 6 గంటలకు పోలింగ్ ముగిసింది. పలు చోట్ల ఎన్నికల అధికారులు ఈవీఎంలకు సీల్ వేసి తరలింపు ప్రక్రియ చేపట్టారు. కాగా, సాయంత్రం 5 గంటల వరకు 53.31 శాతం పోలింగ్ నమోదైనట్లు ఎన్నికల అధికారులు ప్రకటించారు.

Siddharthnagar, UP: Polling officials seal Electronic Voting Machines (EVM) & VVPATs, post the conclusion of the 6th phase of #UttarPradeshElections2022 pic.twitter.com/zuKzOpAurn

— ANI UP/Uttarakhand (@ANINewsUP) March 3, 2022

ఉత్తరప్రదేశ్‌లో ముగిసిన పోలింగ్.. సాయంత్రం 5 గంటలకు 53.31శాతం పోలింగ్..

ఉత్తరప్రదేశ్‌లో 6వ దశ ఎన్నికల పోలింగ్ ముగిసింది. సాయంత్రం 5 గంటల వరకు 53.31 శాతం పోలింగ్ నమోదైంది.

#UttarPradeshElections | 53.31% voters turnout recorded till 5 pm during ongoing polling across 10 districts in the sixth phase. pic.twitter.com/7hhHoczenG

— ANI UP/Uttarakhand (@ANINewsUP) March 3, 2022

రష్యా , బెలారసియన్ అథ్లెట్లకు షాక్

ఉక్రెయిన్‌లో యుద్ధం కారణంగా రష్యా , బెలారసియన్ అథ్లెట్లకు చుక్కెదురైంది. బీజింగ్ వింటర్ పారాలింపిక్స్ నుండి నిషేధం విధిస్తున్నట్లు నిర్వాహకులు ప్రకటించారు. అంతర్జాతీయ ఒత్తిడి, బహిష్కరణ బెదిరింపులకు తలొగ్గింది చైనా.

#UPDATE Russian and Belarusian athletes were on Thursday banned from the Beijing #WinterParalympics over the war in Ukraine, with organisers bowing to international pressure and threats of a boycott https://t.co/z04Q9PCgti #AFPSports

— AFP News Agency (@AFP) March 3, 2022

యూపీలో కొనసాగుతున్న పోలింగ్.. సాయంత్రం 3 గంటల వరకు 46.70 శాతం పోలింగ్ నమోదు..

Uttar Pradesh Elections: ఉత్తరప్రదేశ్‌లో 6వ దశ ఎన్నికల పోలింగ్ ప్రక్రియ కొనసాగుతోంది. 6వ దశలో యూపీలోని 10 జిల్లాల్లో పోలింగ్ జరుగుతుండగా.. సాయంత్రం 3 గంటల వరకు 46.70 శాతం పోలింగ్ నమోదైంది. ఈ మేరకు ఎన్నికల సంఘం ప్రకటన విడుదల చేసింది.

#UttarPradeshElections | 46.70% voters turnout recorded till 3 pm during ongoing polling across 10 districts in the sixth phase. pic.twitter.com/Z56Umw26Yy

— ANI UP/Uttarakhand (@ANINewsUP) March 3, 2022

ప్రశాంతంగా కొనసాగుతున్న ఓటింగ్..

రాష్ట్రంలోని మొత్తం 10 జిల్లాల్లో ఆరోవిడతలో జరుగుతున్న ఓటింగ్ ప్రశాంతంగా కొనసాగుతోందని అదనపు చీఫ్ ఎలక్టోరల్ ఆఫీసర్ BD రామ్ తివారీ పేర్కొన్నారు. EVM సంబంధిత ఫిర్యాదులను వెంటనే పరిష్కరిస్తున్నామంటూ ఆయన వెల్లడించారు.

11 గంటల వరకు 21.79 శాతం పోలింగ్‌

11 గంటల వరకు 21.79 శాతం పోలింగ్‌ ఉత్తరప్రదేశ్ అసెంబ్లీ ఎన్నికల ఆరో దశ పోలింగ్‌ కొనసాగుతోంది. ఉదయం 7 గంటల నుంచి 11 గంటల వరకు 21.79 శాతం ఓటింగ్ నమోదైనట్లు ఎన్నికల సంఘం తెలిపింది.

బీజేపీకి 300కి పైగా సీట్లు: రవికిషన్

గోరఖ్‌పూర్‌ డివిజన్‌లోని మొత్తం 9 స్థానాల్లో విజయం సాధిస్తామని గోరఖ్‌పూర్‌ బీజేపీ ఎంపీ రవికిషన్‌ ఆశాభావం వ్యక్తంచేశారు. పూర్వాంచల్ ప్రాంతంలో పోలింగ్ చరిత్రాత్మకం కానుందని పేర్కొన్నారు. బీజేపీకి 300కు పైగా సీట్లు వస్తాయని తెలిపారు. రామ మందిర నిర్మాణ పనులు జరుగుతున్నాయని.. యూపీ ప్రజలు ‘రామరాజ్యం’ ఏర్పాటు చేయాలని నిర్ణయించుకున్నారని అభిప్రాయపడ్డారు.

9 గంటల వరకు 8.69 శాతం పోలింగ్‌

ఉత్తరప్రదేశ్ అసెంబ్లీ ఎన్నికల ఆరో దశ పోలింగ్‌లో ఉదయం 7 గంటల నుంచి 9 గంటల వరకు 8.69% ఓటింగ్ నమోదైనట్లు ఎన్నికల సంఘం తెలిపింది.

उत्तर प्रदेश विधानसभा चुनाव के छठे चरण में सुबह 9 बजे तक 8.69% मतदान हुए। #UttarPradeshElection2022 pic.twitter.com/5NWnKddBdz

— ANI_HindiNews (@AHindinews) March 3, 2022

సీఎం యోగిపై ఎస్పీ నుంచి ఎవరు పోటీ చేస్తున్నారంటే.?

సీఎం యోగిపై పోటీ చేస్తున్న శుభవతి శుక్లా ఓటు వేశారు. గోరఖ్‌పూర్ అర్బన్ అసెంబ్లీ స్థానం నుంచి సీఎం యోగి ఆదిత్యనాథ్‌పై సమాజ్‌వాదీ పార్టీ అభ్యర్థిగా శుభవతి శుక్లా పోటీ చేస్తున్నారు.

Gorakhpur | Shubhawati Shukla, Samajwadi Party candidate contesting against CM Yogi Adityanath from Gorakhpur Urban Assembly seat, casts her vote in the sixth phase of #UttarPradeshElections2022 pic.twitter.com/TBdZcGQUZT

— ANI UP/Uttarakhand (@ANINewsUP) March 3, 2022

ఓటు వేసిన మంత్రులు

బల్లియా నుంచి పోటీ చేస్తున్న యూపీ మంత్రి ఆనంద్ స్వరూప్ శుక్లా ఓటు వేశారు. ఈ సందర్భంగా ఓటు వేయాలని ప్రజలకు విజ్ఞప్తి చేశారు. మంత్రి ఉపేంద్ర తివారీ సైతం బల్లియాలో ఓటు వేశారు.

80 శాతానికి పైగా సీట్లు గెలుచుకుంటాం.. సీఎం యోగి

ప్రజలంతా బీజేపీ వైపే మొగ్గుచూపుతున్నారని.. అన్ని చోట్లా ఇదే ఉత్సాహం కనిపిస్తుందని ముఖ్యమంత్రి యోగి ఆదిత్యనాథ్ అన్నారు. రాజ్యాంగ కర్తవ్యాలపై ప్రజలకు అవగాహన ఉందనడానికి ఇదే నిదర్శనమన్నారు. 9 జిల్లాల ఓటర్లంతా తప్పకుండా ఓటు వేయాలని విజ్ఞప్తి చేవారు. ఈ ఎన్నికల్లో 80 శాతానికి పైగా సీట్లు సాధించి బీజేపీ రికార్డు సృష్టిస్తుందన్నారు.

66 మంది మహిళా అభ్యర్థుల పోటీ..

ఉత్తరప్రదేశ్ అసెంబ్లీ ఎన్నికల ఆరో దశ ఎన్నికల్లో భాగంగా 57 అసెంబ్లీ నియోజకవర్గాల్లో పోలింగ్ జరుగుతోంది. ఆరో దశలో 676 మంది అభ్యర్థులు బరిలో ఉండగా, వారిలో 66 మంది మహిళా అభ్యర్థులు ఉన్నారు.

ఓట్ల పండుగలో పాల్గొనండి.. ప్రధాని మోదీ

ఉత్తరప్రదేశ్‌లో ప్రజాస్వామ్య పండుగ నేడు ఆరవ దశకు చేరుకుందని ప్రధాని నరేంద్ర మోదీ ట్వీట్ చేశారు. ఓటర్లందరూ తప్పకుండా ఈ ఉత్సవంలో పాల్గొనాలని ప్రధాని మోదీ కోరారు.

ఓటు వేసిన సీఎం యోగి ఆదిత్యనాథ్..

ఉత్తరప్రదేశ్ ముఖ్యమంత్రి యోగి ఆదిత్యనాథ్ గోరఖ్‌పూర్‌లోని ప్రాథమిక పాఠశాలలో ఓటు వేశారు. గోరఖ్‌పూర్ సిటీ స్థానానికి పోటీ చేస్తున్న ఆయన ఉదయాన్నే చేరుకొని ఓటువేశారు.

Uttar Pradesh Chief Minister Yogi Adityanath casts his vote at Primary School Gorakhnath Kanya Nagar Kshetra, in Gorakhpur, for the 6th phase of #UttarPradeshElections pic.twitter.com/Eou6apv4p0

— ANI UP/Uttarakhand (@ANINewsUP) March 3, 2022