Vijayawada: బెజవాడ ‘కిలాడీ లేడీ’ అరెస్ట్.. ప్రభుత్వ ఉద్యోగాల పేరిట ఎన్నో మోసాలు..

Cheating Women Arrested: విజయవాడలో అమాయక ప్రజలకు మాయమాటలు చెప్పి అనేక రకాలుగా మోసగించి.. లక్షల రూపాయలు కాజేసి పరారీ అయిన కిలాడీ లేడీని పోలీసులు అరెస్ట్ చేశారు. ప్రభుత్వ ఉద్యోగాల పేరిట రూ.72 లక్షలు వసూలు చేసి మాయ లేడి కొప్పుల రమాదేవి పరారైంది. ఈ మేరకు గాలింపు చర్యలు చేపట్టిన పోలీసులు ఆమెను అదుపులోకి తీసుకున్నారు. ఈ మేరకు ఆమెపై చీటింగ్ 420, 468, 471, 506 రెడ్ విత్ 34 సెక్షన్ల కింద కేసు నమోదు చేసి పోలీసులు వెల్లడించారు. బాధితుల ఫిర్యాదుతో రంగంలోకి దిగిన పోలీసులు నిఘా బుధవారం విస్తృతంగా గాలింపు చర్యలు చేపట్టారు. చీటింగ్‌కు సహకరించిన రమాదేవి కొడుకు, కూతురిని పోలీసులు విచారిస్తున్నారు. రమాదేవిపై పెనమలూరు, సత్యనారాయణపురం పీఎస్‌లలో కేసులు నమోదయ్యాయి.

జిల్లాలోని మైలవరం, విజయవాడ నగరంలోని పలువురు ఈ మాయలేడి బారిన పడి లక్షల రూపాయలు మోససోయారు. హైకోర్టులో ఉద్యోగాలు, రియల్‌ ఎస్టేట్‌ పేరుతో రమాదేవి మోసాలకు పాల్పడింది. రమాదేవితో పాటు ఆమె కొడుకు, కూతురు మోసంలో భాగం పంచుకున్నట్లు పోలీసులు గుర్తించారు. అనంతరం ఆమె కోసం గాలింపు చర్యలు చేపట్టి అదుపులోకి తీసుకున్నారు.

Also Read:

Krishna District Crime News: ఆ మాయలేడి చేతికి చిక్కారో..అంతే.. కృష్ణా జిల్లాలో వ‌రుస మోసాలు !

Mahabubnagar: మహబూబ్‌నగర్‌ జిల్లాలో విషాదం.. దేవరకద్ర సమీపంలోని గుట్టపై మూడు మృతదేహాలు