Rowdy sheeter murder: హైదరాబాద్ పాతబస్తీలో ముస్తాక్ అనే రౌడీ షీటర్ హత్య

Rowdy sheeter mushtaq murder: హైదరాబాద్ ఓల్డ్ సిటీలో రౌడీ షీటర్ ముస్తాక్ హత్యకు గురయ్యాడు. చాదర్ ఘాట్ పోలీస్ స్టేషన్ పరిధిలో ముస్తాక్‌ను కత్తులతో పొడిచి అతి కిరాతకంగా నరికి చంపారు గుర్తు తెలియని వ్యక్తులు. విషయం తెలుసుకున్న చాదర్ ఘాట్ పోలీసులు హుటాహుటీన ఘటనా స్థలానికి చేరుకుని ముస్తాక్ ను ఆస్పత్రికి తరలించారు.

Hyderabad Oldcity Murder

అయితే, అప్పటికే ముస్తాక్ మ‌ృతి చెందాడని వైద్యులు నిర్ధారించారు. పంచనామా అనంతరం మృతదేహాన్ని ముస్తాక్ కుటుంబసభ్యులకు అప్పగిస్తామని పోలీసులు తెలిపారు. హత్యపై కేసు నమోదు చేసుకుని దర్యాప్తు ప్రారంభించారు. హంతకుల కోసం వేట మొదలుపెట్టారు. కాగా,  మృతుడు ముస్తాక్ మీద పలు హత్యకేసులు సహా..  వివిధ నేరాల్లో నిందితుడుగా ఉన్నట్టు సమాచారం.

కరీంనగర్‌‌‌‌లో కాల్పుల కలకలం.. తమ్ములపై అన్న దాడి

కరీంనగర్ లో కాల్పుల కలకలం సృష్టించాయి. కరీంనగర్ లోని లక్ష్మీనగర్ నగర్ లో తుపాకుల మోత మోగింది. కాల్పులకు కారణం అన్నదమ్ములు మధ్య ఘర్షణ అని తెలుస్తుంది. ఇద్దరి మధ్య వివాదం ముదరడంతో గాలిలోకి కాల్పులు జరిపారు. సుమారుగా 3 కోట్లు విలువ గల ఇల్లుపై గొడవలు జరుగుతున్నాయి. ఐదుగురు అన్నదమ్ముల మద్య పంచాయతీ కూడా జరిగింది. శుక్రవారం ఆస్థి వివాదం పై మళ్లీ గొడువ జరిగింది. వాగ్వివాదంతో పాటు ఘర్షణ కు దిగారు. అజ్గర్ హుస్సేన్  కత్తితో మొదట తమ్ముడు మున్వార్ హుస్సేన్ పై దాడి దిగాడు. మిగతా అన్నదమ్ములు వెంటనే అజ్గర్ పై దాడికి ప్రయత్నించారు.

దాంతో అజ్గర్ గన్ తో మూడు రౌండ్ల కాల్పులు జరిపాడు. ఈ కాల్పుల్లో పార్కింగ్ చేసిన కారుకు బుల్లెట్ దిగింది. ఎవరికి గాయాలు కాలేదు. దాంతో అతడిని అక్కడ ఉన్నవారు అడ్డుకున్నారు. సమాచారం తెలుసుకున్న పోలీసులు సంఘటన స్థలానికి చేరుకొని అజ్గర్ హుస్సేన్ ను అదుపులోకి తీసుకున్నారు. ఈ వెపన్ ఎక్కడి నుంచి వచ్చింది.. అనే కోణంలో పోలీసులు విచారణ చేపడుతున్నారు.

Read also: Komati reddy: తీవ్ర ఆవేదన వ్యక్తం చేసిన భువనగిరి ఎంపీ కోమటిరెడ్డి వెంకటరెడ్డి