Delhi Encounter: దేశ రాజధాని ఢిల్లీలో ఎన్‌కౌంటర్‌.. పోలీసుల కాల్పుల్లో ఇద్దరు నేరస్థుల హతం..

Khajuri Khas Encounter: దేశ రాజధాని ఢిల్లీలో ఎన్‌కౌంటర్ జరిగింది. పోలీసులు, నేరస్థులకు మధ్య జరిగిన కాల్పుల్లో.. ఇద్దరు నేరస్థులు హతమయ్యారు. ఇద్దరు పోలీసులకు గాయాలయ్యాయి. ఈ ఎన్‌కౌంటర్ ఢిల్లీలోని యమునా ఖజురి ఖాస్ ప్రాంతంలో గురువారం ఉదయం చోటుచేసుకుంది. అమీర్, రంజాన్ అనే నేరస్థులను అరెస్టు చేసేందుకు ఢిల్లీ పోలీసులు గురువారం ఉదయం ఖజురీ ఖాస్ ప్రాంతంలో తనిఖీలు నిర్వహించారు. ఈ క్రమంలో పోలీసులను చూసిన నిందితులు మొదట కాల్పులు జరిపారు. అనంతరం పోలీసులు కాల్పులు జరిపారు. పోలీసుల కాల్పుల్లో అమీర్, రంజాన్‌కు గాయాలై ఆసుపత్రిలో మరణించినట్లు ఢిల్లీ పోలీసులు ప్రకటించారు. మరణించిన ఇద్దరు నేరస్థుల నుంసీ రెండు ఆటోమేటిక్ పిస్టల్స్, నాలుగు మ్యాగజైన్‌లు, 15 లైవ్ కాట్రిడ్జ్‌లను స్వాధీనం చేసుకున్నట్లు ఢిల్లీ పోలీసులు తెలిపారు.

కాగా.. గురువారం ఈ ఎన్‌కౌంటర్‌తో దేశ రాజధాని ఉలిక్కిపడింది. ఎన్‌కౌంటర్ అనంతరం ఢిల్లీలో భద్రతను మరింత కఠినం చేశారు. అనుమానిత ప్రాంతాల్లో పోలీసులు తనిఖీలు నిర్వహిస్తున్నారు. ఈ ఎన్‌కౌంటర్‌కు సంబంధించి మరిన్ని వివరాలు తెలియాల్సి ఉంది.

Two automatic pistols, four magazines and 15 live cartridges were recovered from the two criminals killed in a police encounter in Delhi’s Khajuri Khas area early morning today

— ANI (@ANI) August 12, 2021

Also Read:

Village Rancho: చదివింది ఎనిమిదే.. కానీ హెలికాఫ్టర్ తయారు చేశాడు.. చివరకు బ్లేడ్ తగిలి..

AP Crime: యువకుడి మృతికి కారణమైన కానిస్టేబుల్ సస్పెండ్.. ఎస్ఐపై కూడా వేటు..