కేరళలో మరో కరోనా ఐదు హాట్‌స్పాట్స్‌..

కేరళలో కరోనా మహమ్మారి విజృంభిస్తోంది. తాజాగా బుధవారం నాడు మరో 65 కరోనా పాజిటివ్ కేసులు నమోదయ్యాయి. ఈ విషయాన్ని కేరళ ఆరోగ్య శాఖ మంత్రి కేకే శైలజ తెలిపారు. ఇక రాష్ట్రంలో మరో ఐదు హాట్‌స్పాట్స్‌ను గుర్తించినట్లు కూడా వెల్లడించారు. ఇక బుధవారం నాడు నమోదైన కేసుల్లో కోజిక్కోడ్‌లో 10, తిరుసూర్‌ 9, మలప్పురం 7, తిరువనంతపురం 6, పాలక్కడ్‌లో 6 కేసులు నమోదయ్యాయి. ఇక ఇడుక్కి, కొల్లాం, వయనాడ్‌,కన్నూర్ లలో మూడు చోప్పున నమోదవ్వగా పతనంతిట్ట, కొట్టాయం అలప్పుజా జిల్లాలో ఒక్కో కేసు నమోదైంది. ఇక ఇప్పటి వరకు కరోనా నుంచి 905 మంది కోలుకుని ఆస్పత్రుల నుంచి డిశ్చార్జ్ అయ్యారని.. ప్రస్తుతం 1,238 యాక్టివ్ కేసులు ఉన్నాయని తెలిపారు. ఇక ఇప్పటి వరకు రాష్ట్ర వ్యాప్తంగా 2.10లక్షల మందిని అబ్జర్వేషన్లో ఉంచామని.. వీరిలో 2.08 మంది హోం క్వారంటైన్‌లోనే ఉన్నారని.. కొందరు ఇతర క్వారంటైన్‌ సెంటర్లలో ఉన్నారని తెలిపారు. 1,844 మంది ఆస్ప్రత్రిలోని ఐసోలేషన్ వార్డుల్లో ఉన్నారని తెలిపారు. ఇక గడిచిన 24 గటంల్లో 4,689 టెస్టులు చేసినట్లు తెలిపారు. ఇప్పటి వరకు రాష్ట్ర వ్యాప్తంగా 98,475 పరీక్షలు చేపట్టగా.. 93,475 పరీక్షల్లో నెగటివ్ వచ్చిందని పేర్కొన్నారు.